بۆ گفتوگۆکردن له‌سه‌ر یاسای کاری رێکخراوه‌یی ناوه‌ندی ئاینده بۆ پرسه‌کانی گه‌نج کۆبوونه‌وه‌یه‌ک بۆ ژماره‌یه‌ک رێکخراوی مه‌ده‌نی شاری هه‌ولێر ساز ده‌کات.
کۆبوونه‌وه‌که دوانیوه‌ڕۆی ئه‌مڕۆ چوارشه‌ممه 17-3-2010 له هۆڵی هوتێل چوارچرا له شاری هه‌ولێر به‌رێوه‌چوو ، تێیدا نزیکه‌ی 20 رێکخراوی شارستانی به‌شداربوون ، سه‌ره‌تا له‌لایه‌ن هێمن فه‌رید کورته‌یه‌ک له‌سه‌ر ئه‌و پرۆژه‌یه باس کراو و دواتر له‌لایه‌ن سیروان عه‌باس پێشنیاری رێکخراوه‌کانی سلێمانی و دهۆکی خوێنرایه‌وه که له‌سه‌ر هه‌مان بابه‌ت هه‌یانبووه.
له کۆبوونه‌وه‌که‌دا جه‌ندین بۆچوون و پێشنیار خرانه روو به‌مه‌به‌ستی گه‌یشتن به یاسایه‌کی شارستانی تۆکمه که کاری رێکخراوه‌کان رێک بخات به پێی یاسا و رێکخراوه‌کان بتوانن بێ گیرو گرفت کاره‌کانیان به‌رێوه‌به‌رن.
شیاوی گوتنه پێشتر بۆ هه‌مان مه‌به‌ست ناوه‌ندی ئاینده دوو کۆبوونه‌وه‌ی هاوشێوه‌ی له شاره‌کانی سلێمانی و دهۆک ئه‌نجام داوه‌و بریاریش وایه له داهاتوویه‌کی نزیکدا کۆنفرانسێکی هه‌رێمایه‌تی له هه‌ولێر بۆ ئه‌و مه‌به‌سته ساز بکات
0 سەرنج:
Post a Comment