بەدەستهێنانی بڕوانامەی ماستەر

بەرواری  ١١/١/٢٠١٩ لە زانکۆی بینگۆل لە باکووری کوردستان (تورکیا) بڕوانامەی ماستەرم بە دەستهێنا لە کارگێڕی کار و یاسای بازرگانیی عێراقی و نێودەوڵەتیی، لە کۆلیژی زانستە کۆمەڵایەتییەکان، بەشی کارگێڕی کار. توێژینەوەکەم تایبەت بوو بە گرێبەستی بازرگانی لە ژێڕ سەردێڕی (گرێبەستی بازرگانی لە نێوان یاسا عێراقیی و نیودەڵەتییەکان) و بە سەرکەوتوویی لە لایەن لیژنەی گفتوگۆوە پەسەند کرا

کەمپینی وەتەن چاوی لێمانە

هەڤاڵ نەژاد 

هەفتەیەکی تەواو ( لە ١٤/١١/٢٠١٧ تاکو ٢١/١١/٢٠١٧) لەگەڵ کۆمەڵێک ئازیز و خۆشەویست کەمپینی وەتەنچاوی لێمانە مان بەڕێوە برد، بەو توانا کەمەی هەمانە، ئەوەی لە دەستمان هات کردمان بۆ ئەو ئازیزانەی کە چاکەیان لەسەر ئێمە هەیە و پێویستە ئەگەر بەو بڕە زۆر کەمەش بێ بیاندەینەوە.

بەشداریم لە خولێکی تایبەت بە چاکسازی دادوەریی نەوجەوانان

هەڤاڵ نەژاد 

لە نێوان ١٢ بۆ ١٥ مانگی نۆڤەمبەری ٢٠١٧ بەشداریم کرد لە خولێکی ڕاهێنانی ڕاهێنەران لە بواری چاکسازی دادوەریی نەوجەوانان، کە لە لایەن ڕێکخراوی هارتلاند و بەهاوکاری سەندیکای پارێزەران بۆ بیست پارێزەری سەرجەم لقەکانی سەندیکا ڕێک خرا بوو. خولەکە لە هوتیلی دیدەمان لە هەولێر بەڕێوەچوو. دوای چوار ڕۆژ ڕاهێنانی چڕ و پڕ، بڕوانامەی ڕاهێنەرمان لەو بوارە وەرگرت. هیوادارم لە داهاتوو بتوانم وەک ڕاهێنەر لەو بوارە خزمەت بکەم.

سپاس بۆ ڕێکخراوی هارتلاند و سەندیکای پارێزەران و مامۆستاکانی خولەکە.

بەشداریکردن لە کۆنفڕانسی ساڵانەی بەهێزکردنی لێپرسینەوە و دەسەڵاتی یاسا لە هەرێمی کوردستان

دوێنێ ١٧/٧/٢٠١٧ بەشداریم کرد لە کۆنفڕانسی ساڵانەی بەهێزکردنی لێپرسینەوە و دەسەڵاتی یاسا لە هەرێمی کوردستان. کۆنفڕانسەکە لەلایەن ڕێکخراوی ستۆپ بۆ دژە گەندەڵی و بە هاوکاری دامەزراوەی بەخشینی نیشتمانی (NED) ی ئەمریکی، بەڕێوەچوو

لە کۆنفڕانسەکەدا دوو پانێڵ بەڕێوەچوون لەبارەی دژایەتی گەندەڵی و لیژنەی چاکسازی و کارەکانی ئەو لیژنەیە. من بەشدارییەکی دوو سێ خولەکیم هەبوو، وەک پارەزەرێک ئەو چەند خاڵەم خستەڕوو؛

لە هەڵەبجە ڕێزیان لێ ناین

لەگەڵ پارێزگاری هەڵەبجە و هاوڕێیانم

ئەمڕۆ ١٣-١٢-٢٠١٥ لەگەڵ کۆمەڵێک هاوڕێی پارێزەر و دادنووس، لە هەڵەبجە بووین. ڕێکخراوی هەڵەبجە بۆ پەرەپێدانی ڕۆشنگەری کلتوری و مرۆیی بە هاوکاری پارێزگاری هەڵەبجە، لە نێو دیوانی پارێزگا ڕێزیان لێ ناین و خەڵاتی ڕێزلێانیان پێشکەش کردین، بەهۆی ئەوەی لە ڕابردوو کارمان کردووە بۆ پرسی جینۆساید بە گشتی و هەڵەبجەش بە تایبەتی.

بەڕێوەبردنی وتوێژێکی کراوە سەبارەت بە بەرپرسیارێتی کۆمەڵایەتی کۆمپانیاکان

هەڤاڵ نەژاد 

بەڕێوەبردنی گفتوگۆیەکی کراوە لە ٢٢-٦-٢٠١٤ لە هۆڵی هوتێل چوارچرای شاری هەولێر، لەگەڵ هاوکارانم د. ڕەعد و فەرمان ڕەشاد، بۆ نوێنەری ژمارەیەک کۆمپانیای هەولێر، سەبارەت بە بەرپرسیارێتی کۆمەڵایەتی کۆمپانیاکان (CSR).

ئەو گفتوگۆ کراوەیە، چالاکی هاوبەشی هەردوو ڕێکخراوی (ناوەندی ئایندە بۆ پرسەکانی گەنج و ڕێکخراوی دڵسۆزی بۆ هزر و ڕۆشنبیری)ـە.

لە رێگەی داواکاری گشتییە داوا لەسەر وەزارەتی تەندروستی تۆمار دەکرێت

هەڤاڵ نەژاد 

ئەمڕۆ ١٤-١-٢٠١٤، وەک (کەمپینی چاو هەر چاوە) کە لەسەر رووداوی کوێرکردنی ژمارەیەک هاوڵاتی لە شاری هەولێر، لە لایەن ژمارەیەک چالاکی مەدەنی دەرەوە و ناوخۆی کوردستان دروست بووە.

لەسەر بنەمای یاسای مافی بەدەستهێنانی زانیاری، داوامان ئاراستەی دەستەی مافی گشتی لە داواکاری گشتی کرد کە داوا دژی وەزارەتی تەندروستی بجوڵێنێ. هاوپێچ لەگەڵ داواکەماندا کۆمەڵێک زانیاری و بەڵگەنامە کە نزیکەی ٧٠ لاپەرە دەبوون پێشکەش کرد.

دووان له‌چالاكوانه‌كانی‌ خۆرهه‌ڵات ئازادكران

لێدوان بۆ رادیۆی ناوخۆ 

ئه‌مڕۆ دوای‌ ئه‌وه‌ی‌ له‌به‌رده‌م دادوه‌ر دووان له‌چالاكوانه‌كانی‌ خۆرهه‌ڵات ئاماده‌بوون‌و له‌چه‌ند به‌ڵگه‌یه‌كدا بێتاوانی‌ خۆیان سه‌لماند له‌به‌رامبه‌ر به‌ردبارانكردنی‌ كونسوڵخانه‌ی‌ كۆماری‌ ئیسلامی‌ ئێران له‌هه‌ولێر، دادوه‌ر بڕیاریدا دوو كه‌س له‌و هه‌شت چالاكوانه‌ی‌ كه‌ پێشتر به‌و تۆمه‌ته‌ ده‌ستگیركرابوون ئازادبكرێن.

دژی لەسێدارەدانی لاوانی کورد لە لایەن ئێرانەوە لەبەردەم پەرلەمانی ئەروپا خۆپیشاندان بەرێوەچوو

هەڤاڵ نەژاد 

رۆژی ٥-١٢-٢٠١٣ لەبەردەم پەرلەمانی ئەوروپا، لە برۆکسێلی پایتەختی بەلجیکا، خۆپیشاندانێک دژی لە سێدارەدانی لاوانی کورد، لە لایەن کۆماری ئیسلامی ئێرانەوە، بەرێوەچوو.

خۆپیشاندانەکە لە لایەن كۆميته‌ى پشتيوانى له‌ زيندانيانى سياسى كوردستان له‌ به‌لجيكا، کە بریتی بوون لە: (حیزبی دیموکراتی کوردستان،حیزبی دیموکراتی کوردستانی ئێران، ڕێکخراوی کوردستان فۆروم ـ بەلجیکا) ئامادە کرابوو.

کۆنفڕانسی تورکیا- کورد و پرۆسەی ئاشتی ئیمڕاڵی: هەلێکی مێژوویی

هەڤاڵ نەژاد 

دەیەمین کۆنفڕانسی نێودەوڵەتی( تورکیا- کورد و پرۆسەی ئاشتی ئیمڕاڵی: هەلێکی مێژوویی) رۆژی  چوارشەممە ٤-١٢-٢٠١٣ لە پەرلەمانی ئەوروپا لە برۆکسێلی پایتەختی بەلجیکا، دەستی بەکارەکانی کرد.

کۆنفڕانسەکە لە لایەن گروپی پەرلەمانتارانی یەکێتی چەپی ئەوروپا و سەوزی چەپی ئەسکەندەنافیا ( European United Left/ Nordic Green Left) لە پەرلەمانی ئەوروپا ئامادە کراوە. تێیدا چەندین کەسایەتی جیهانی و کوردی و پەرلەمانتاری ئەوروپی داوەت کرابوون و وتاریان هەبوو.

په‌یامی‌ كورد له‌لاهای‌ پێشكه‌ش ده‌كرێت

لێدوان بۆ رادیۆی ناوخۆ 

وه‌فدی‌ نوێنه‌ری‌ تۆڕی‌ هاوپه‌یمانی ڕێكخراوه‌ كوردستانییه‌كان له‌پێناو دادگای‌ نێوده‌وڵه‌تی تاوان ڕایگه‌یاند، له‌دوانزده‌هه‌مین كۆنفرانسی ساڵانه‌ی وڵاتانی ئه‌ندامی‌ دادگای نێوده‌وڵه‌تیی تاوان (ICC)دا، كه‌ به‌به‌شداری 100 وڵات له‌شاری ده‌نهاخ (لاهای) له‌هۆڵه‌ندا به‌ڕێوه‌چوو، په‌یامی‌ كوردیان پێشكه‌ش به‌جیهان كردووه‌.

دیمانەی هەڤاڵ لەگەڵ رۆژنامەی خەبات سەبارەت بە بەشداری شاندی تۆڕی رێکخراوە کوردستانییەکان لە ١٢هەمین کۆنفرانسی ساڵانەی وڵاتانی لایەنی دادگای نێودەوڵەتی تاوان

دیمانە لەگەڵ هەڤاڵ  

دیمانەی لەگەڵ رۆژنامەی خەبات لەگەڵ هەڤاڵ سەبارەت بە بەشداری شاندی تۆڕی هاوپەیمانێتی رێکخراوە کوردستانییەکان لە پێناو دادگای نێودەوڵەتیی تاوان، لە ١٢هەمین کۆنفڕانسی ساڵانەی وڵاتانی لایەنی پەیماننامەی رۆما و دادگای نێودەوڵەتیی تاوان، کە لە شاری دەنهاخ (لاگای) لە هۆڵەندا بەڕێوەچوو.

ئەو دیمانەیە لە ٢٤-١١-٢٠١٣ لە ژمارە ٤٤٤٦ رۆژنامەی خەبات لە لاپەرەی حەوت بڵاوبۆتەوە.

بەشداریکردنمان لە ١٢هەمین کۆنفڕانسی ساڵانەی وڵاتانی لایەنی دادگای نێودەوڵەتیی تاوان

هەڤاڵ نەژاد 

ئەمڕۆ چوارشەممە ٢٠-١١-٢٠١٣ لە شاری دەنهاخ (لاهای) لە هۆڵەندا، دوازدەمین کۆنفرانسی ساڵانەی وڵاتانی لایەنی دادگای نێودەوڵەتیی تاوان (ICC)، دەستی بەکارەکانی کرد. ئێمەش وەک شاندی تۆڕی هاوپەیمانی ڕێکخراوە کوردستانییەکان لە پێناو دادگای نێودەوڵەتیی تاوان، بەشداریمان کردووە.

تێگەیشتن لە دادگای نێودەوڵەتی تاوان

هەڤاڵ نەژاد 

ئەمڕۆ ٢٩-١٠-٢٠١٣ کۆنفراسی هەرێمایەتی سەبارەت بە کورد و دادگای نێودەوڵەتیی تاوان بەرێوەچوو.

کۆنفرانسەکە لە لایەن رێکخراوی کوردستان بێجینۆساید، بە بەشداری رێکخراوی رەنگەکان بۆ ئازادی و، ئەتاج بۆ مافە ئابووری و کۆمەڵایەتییەکان و تۆڕی هاوپەیمانێتی رێکخراوە کوردستانییەکان لە پێناو دادگای نێودەوڵەتیی تاوان (دادگای تاوانی نێودەوڵەتی)، بە پشتیوانی فەرمانگەی رێخکراوە ناحکومییەکان، لە هوتێلی چوارچرای شاری هەولێر بەرێوەچوو.

گفتوگۆی رۆژنامەنووس و دادگاکان

هەڤاڵ نەژاد 

ئەمڕۆ ١-٨-٢٠١٣ بەشداری دانیشتنێکم کرد سەبارەت بە پەیوەندی نێوان دادگاکان و رۆژنامەنووسان، وتوێژێکی گەرم بوو، زۆر قسەو باسی پەیوەندیدار بەو مژارە باس کران.

دانیشتنەکە دەزگای سمارت ئامادەی کردبوو، کۆمەڵێک یاساناس، ئەکادیمی، رۆژنامەنووس، بەشداربوون.

داوا دەکەین عێراق رێکەوتننامەی رۆما واژوو بکات و پەیوەست بێ بە دادگای تاوانی نێونەتەوەیی

 هەڤاڵ نەژاد * 

سەرلەبەیانی ئەمڕۆ ١٧-٧-٢٠١٣ کە هاوکات رۆژی دامەزراندنی دادگای تاوانی نێونەتەوەیی (ICC) یە، تۆڕی هاوپەیمانیەتی رێكخراوە كوردستانییەكان لە پێناو دادگای تاوانی نێو دەوڵەتی ( KONCICC)، لەبەردەمی پەرلەمانی کوردستان گردبوونەوەکمان ئەنجام داو لە رێگەی ناردنی چەند یاداشت نامەیەکەوە بۆ سەرۆکایەتی کۆماری عێراق و هەرێمی کوردستان و حکومەت و پەرلەمانی ناوەند و کوردستان، داوامان لە دەوڵەتی عێراق کرد پەیوەست بێ بەو دادگایەوە و واژووی رێکەوتننامەی رۆما بکات. ئەوەش لە پێناو دووبارە نەبوونەوەی تاوانەکانی رابردوو، هاوشێوەی ئەنفال و هەڵەبجە و چەندین تاوانی دژ بە مرۆڤایەتی دیکە.

یەکگرتووی ئیسلامی پشتیوانی لە پەیوەست بوونی عێراق بەو دادگای تاوانی نێودەوڵەتی دەکات

 هەڤاڵ نەژاد 

دوێنێ چوارشەممە ٨-٥-٢٠١٣ وەک هاوپەیمانی رێكخراوە كوردستانییەكان لە پێناو دادگای تاوانی نێو دەوڵەتی، سەردانی ئەمینداری گشتی یەكگرتووی ئیسلامیمان كرد و یاداشتێکمان پێشکەش کردن.

سێهەمین کۆنفڕانسی پێداچوونەوەی دژایەتی چەکی کیمیایی دەستی بەکارەکانی کرد

هەڤاڵ نەژاد 

ئەمرۆ دوو شەممە ٨-٤-٢٠١٣ سێهەمین کۆنفڕانسی پێداچوونەوەی جیهانی قەدەغەکردنی چەکی کیمیایی لە شاری دەنهاخ (لاهای)ی هۆلەندا  بە بەشداری سەرۆکی رێکخراوی نەتەوەیەکگرتووەکان و سەرۆک و نوێنەری  ١٨١ وڵات و زیاتر لە ٧٠ رێکخراوی جیهانی دەستی بەکارەکانی کرد.

هاوپەیمانی ڕێکخراوە کوردستانییەکان لە پێناو دادگای تاوانی نێودەوڵەتی

هەڤاڵ نەژاد 

کۆبوونەوەی دامەزراندنی هاوپەیمانی رێکخراوە کوردستانییەکان، لە پێناو دادگای تاوانی نێودەوڵەتی. رۆژی شەممە ٣٠-٣-٢٠١٣ بەڕێوەچوو.

لە کۆبوونەوەکەدا من و ٩ بەرێزی تر هەڵبژێردراین بۆ کارکردن لەسەر پرۆژەکە و کاک عەلی سیاسیش وەک رێکخەری پرۆژەکە لەگەڵ دادگاکەدا دیاریکرا.

تەنها لەم دەسەڵاتە دەوەشێتەوە!

هەڤاڵ نەژاد 

پێش نیوەڕۆی ئەمڕۆ لەگەڵ چەند چالاکێکی مەدەنی سەردانی کەمئەندامە مانگرتووەکانی بەردەم ئەنجومەنی وەزیرانمان کرد. ئەو سەردانەی ئێمە وەک ئەرکێکی مرۆیی و ئەخلاقی بوو بۆ پشتیوانی لە مانگرتووان.