نزیكه‌ی سه‌د هه‌زار دۆلار له‌لایه‌ن هه‌رێمی كوردستانه‌وه، بۆ لێقه‌وماوانی هایتی ره‌وانه ده‌كرێت
به‌گوێره‌ی هه‌واڵێکی ئاژانسی ده‌نگوباسی په‌یامنێر ،كه‌مپینی پاڵپشتی له قوربانیانی كاره‌ساتی وڵاتی هایتی له‌هه‌رێمی كوردستان به‌رده‌وامن له كۆكردنه‌وه‌ی كۆمه‌ك و پیتاك بۆ لێقه‌وماناوانی ئه‌م وڵاته و تا ئێستا نزیكه‌ی (100) هه‌زار دۆلار كۆمه‌كیان كۆكردتۆته‌وه، بڕیاره نوسینگه‌ی نه‌ته‌وه یه‌كگرتووه‌كان له‌شاری هه‌ولێر ئه‌م كۆمه‌كه بگه‌ێنێته ئه‌م وڵاته.
گوته‌بێژی ئه‌و که‌مپینه ده‌ڵێ كاری كه‌مپینه‌كه گه‌یشتۆته كۆتایی و ئێستا سه‌رقاڵی كۆنتاكتن له‌گه‌ڵ نوسینگه‌ی نه‌ته‌وه یه‌كگرتووه‌كان له‌شاری هه‌ولێر تا له‌رێگه‌یانه‌وه ئه‌م كۆمه‌كه بگاته ئه‌م وڵاته.
من وێرای دەستخۆشی لەو مرۆڤدۆستانە بۆ ئەم کارە مرۆڤانەیان ، دەپرسم ئاخۆ تا ئێستا بۆ لێقەوماوانی دەڤەری قەندیل و ئاوارەکانی پارچەکانی دیکەی کوردستان هیچ کارێکی ئاوایان کردووە ؟؟ ئامادەن ئاوا پارە کۆبکەنەوە بۆ هاوکاری کردنیان؟؟؟؟؟ لە کاتێکدا ئەمان کوردن و لە گۆشت و خوێنی ئەو مرۆڤدۆستانەن !!
هیوادارم ئەو پارە کۆکردنەوەیە مەرامی سیاسی لە پشتەوە نەبێت و ئەو مرۆڤدۆستانە چاوێک بە چەند کیلۆمەترێکی دەوروبەری خۆیان بگێرن و لێقەوماوانی قەندیلیش ببینن ، کورد دەڵێت تا ماڵ بیەوێت بۆ مزگەوت حەرامە.
سه‌رچاوه‌ی هه‌واڵه‌که http://www.peyamner.com/details.aspx?l=1&id=166377
0 سەرنج:
Post a Comment