دوێنێ هه‌ڵه‌بجه‌ ئه‌مڕۆ قلابان، دوێنێ سه‌دام ئه‌مڕۆ ئه‌ردۆگان

هه‌ولێر: له‌ گردبوونه‌وه‌یه‌کدا کۆمه‌ڵکوژییه‌که‌ی ده‌وڵه‌تی تورک شه‌رمه‌زارکرا  

هه‌ڤاڵ نه‌ژاد

دوای نیوه‌ڕۆی ئه‌مڕۆ هه‌ینی 30-12-2011، له‌ به‌رده‌م پارکی شانه‌ده‌ر له‌ شاری هه‌ولێر، کۆبوونه‌وه‌یه‌کی ناره‌زایه‌تی ده‌ربڕین و شه‌رمه‌زاکردن، دژی کۆمه‌ڵکوژی لاوانی باکووری کوردستان، له‌ لایه‌ن ده‌وڵه‌تی تورک، به‌ڕێوه‌چوو.

ئه‌ردۆگان په‌ره‌ به‌ جینۆسایدی کوردان ده‌دات

هه‌ڤاڵ نه‌ژاد 

سه‌رنج: رۆژی 19ی مانگی 11 واته‌ مانگێک و ده‌ رۆژ له‌مه‌وبه‌ر، ئه‌م وتاره‌م بۆ رۆژنامه‌ی هاوڵاتی نارد. له‌و کاته‌وه‌ پێشنبینم کردبوو که‌ ده‌وڵه‌تی تورک تاوانی کۆمه‌ڵکوژی  ئه‌نجام ده‌ده‌ن و شه‌پۆلێکی دیکه‌ی جینۆساید به‌رێوه‌یه‌، به‌ڵام نه‌ بڵاویان کرده‌وه‌ نه‌ وه‌ڵامی منیشیان دایه‌وه‌ که‌ بڵاوی ناکه‌نه‌وه‌ تاوه‌کو منیش له‌ شوێنی تر بڵاوی بکه‌مه‌وه‌. دواتر به‌داخه‌وه‌ رووداوه‌کانی زاخۆی به‌دواداهات و خۆشم به‌هۆی سه‌رقاڵی و نووسینی تایبه‌ت به‌و ڕووداوه‌، بڵاوم نه‌کرده‌وه‌.

ژه‌نه‌ڕاڵ شه‌ریف پاشا

سه‌رۆکی ده‌وڵه‌تی کوردستان له‌ تاراوگه‌

هه‌ڤاڵ نه‌ژاد

شه‌ریف پاشای خه‌ندان، یه‌که‌م سه‌رکرده‌ و سیاسه‌تکاری کورده‌ که‌ بانگه‌شه‌ی درووستکردنی ده‌وڵه‌تی کوردستانی کردووه‌ و، له‌و پێناوه‌دا ساڵانێکی زۆر له‌ ئه‌وروپا تێکۆشاوه‌. سه‌ره‌تا وه‌ک چاکسازیخوازێک له‌ ناو ده‌وڵه‌تی عوسمانیدا کاری کردووه‌ و پشتیوانی رژێمی ئیتیحاد و ته‌ره‌قی کردووه‌، کاتێک رووی راسته‌قینه‌ی ئه‌وانی بۆ ده‌رکه‌وتووه به‌رامبه‌ر کورد‌، وازی له‌ بیری چاکاسازی له‌ نێو ده‌وڵه‌تی عوسمانی هێناوه‌ و راسته‌وخۆ بۆ دروستکردنی ده‌وڵه‌تێکی کوردی خه‌باتی کردووه‌ و تێ کۆشاوه‌.

نه‌ته‌وه‌یی و نه‌ته‌وه‌په‌رست!

هه‌ڤاڵ نه‌ژاد

دوێنێ شه‌و به‌شێک له‌ شانۆگه‌رییه‌کی تایبه‌ت به‌ شاعیری گه‌وره‌ی کورد، (فایه‌ق بێکه‌س)م بینی، له‌ یه‌کێک له‌ دیمه‌نه‌کان ئه‌کته‌رێک ده‌یگوت؛ دوای حاجی قادری کۆیی، بێکه‌سی شاعیر تاکه‌ شاعیری "نه‌ته‌وه‌په‌رست" بووه‌! واته‌ حاجی قادر و بێکه‌س، " نه‌ته‌وه‌په‌رست" بوون!

چه‌ند سه‌رنجێک له‌سه‌ر رووداوه‌کانی ده‌ڤه‌ری بادینان

هه‌ڤاڵ نه‌ژاد 

* ئه‌و مه‌لایانه‌ی‌ یا هه‌رکه‌سانێکی دیکه‌ که‌ هانی خه‌ڵکی زاخۆیاندا بۆ توندوتیژی، که‌سانێکن که‌ دژی ئازادی مرۆڤه‌کانن و دژی پێکه‌وه‌ژیانی ئاشتیانه‌ و، بیرکردنه‌وه‌ جیاوازه‌کانی کۆمه‌ڵگه‌ن. ئه‌گه‌ر یاسا هه‌بێت، نابێت ئه‌مانه‌ ده‌ربازیان بێت و وه‌ک به‌رزه‌کی بانان بۆی ده‌ربچن.

خەیاڵپڵاوی پێشکەوتنخوازانە!

وه‌ڵام بۆ نووسینێکی بێ ناوی ماڵپەڕی ئاوێنە* 

 هه‌ڤاڵ نه‌ژاد

 لە ماڵپەڕی ئاوێنە، نووسینێک بە سەردێڕی ( بارزانی و ئاڵای کوردستان!) بڵاو بۆتەوە. نووسەری ئەو نووسینه‌، لە پەنای دانەنانی ئاڵای کوردستان لە سەردانی سەرۆکی هەرێم بۆ تورکیا و ئێران، دەکەوێتە وێزەی ئاڵای کوردستان و سروودی ئەی رەقیب و، نەتەوەییەکان. نووسەر، هۆکاری دانەنانی ئاڵای کوردستان لە سەردانەکانی بارزانی بۆ ئەو دوو وڵاتە بۆ ناسیۆنالیستانە بوونی ئاڵاکە و نا پێشکەوتوویی و نا نیشتمانی ئاڵای کوردستان دەگێڕێتەوە.

هەڤاڵ نەژاد: گەلی کورد لە رۆژهەڵاتی کوردستان دەبێ بە یەکگرتوویی بێتە مەیدان

خۆرنیوز- جەمال نەجاری؛ ناوچەی رۆژهەڵاتی ناوەڕاست بەرەو گۆڕان هەنگاو هەڵداوێت و حکوومەتی ئێستای سوریا لە لێواری رووخان نزیک بۆتەوە، زۆر کەس پێشبینی ئەوە دەکەن کە لە پاش سوریا نۆرەی ئێرانە و ئاڵوگوڕی لەم وڵاتەش دەست پێدەکا و جووڵانەوەیەکی سەرانسەری لە ئێران سەرهەڵدەدا و هەندێ کەسیش ڕایان وایە بە هۆی درێژە پێدانی ئێران بە بەرنامە ناوەکییەکەی لە لایەن وڵاتانی زلهیزی جیهانەوە هێرشی دەکرێتە سەر و شەڕێکی گەورە لە ناوچەکە دروست دەبێ کە کاریگەری لەسەر ناوچەکە و جیهان دادەنێت.

حه‌سه‌نکێف ... ئایا مێژووی هه‌زاران ساڵه‌ی کوردستان ژێر ئاو ده‌کرێت؟

photo: Heval Nejad

باژێری مێژوویی حه‌سه‌نکێف له‌به‌رده‌م هه‌ڕه‌شه‌ی دروستکردنی به‌نداوی ئیلی سو-دا 

ڕاپۆرتی: هانا ڕه‌زا- هه‌ڤاڵ نه‌ژاد

ئه‌م راپۆرته‌ له‌ ژماره‌ی (180)ی گۆڤاری لڤین له‌ 20-11-2011 بڵاوکراوه‌ته‌وه‌.

عێراق سه‌یر نییه‌!

هه‌ڤاڵ نه‌ژاد 

به‌ بڕوای من عێراق سه‌یر نییه‌ و ئه‌وه‌ی تێیدا گوزه‌راوه‌ چاوه‌ڕوانکراو بووه‌. له‌ مێژووی دروستبوونی عێراقه‌وه‌ هه‌ر ده‌سه‌ڵاتێک به‌ پاشایه‌تی و کۆمارییه‌وه‌ هاتبێته‌ سه‌ر ده‌سه‌ڵات، له‌ رێگه‌ی زه‌بر و توندوتیژییه‌وه‌ ره‌فتاری کردووه‌، ئه‌مه‌ جگه‌ له‌وه‌ی هه‌موویان به‌رامبه‌ر کورد، سیاسه‌تی قڕکردن و له‌ ناو بردن و دواتر گه‌یشتنه‌ لوتکه‌ له‌ شاڵاوی جینۆسایدی هه‌ڵه‌بجه‌ و ئه‌نفالیان پێڕه‌وی کردووه‌.

چەند وێنەیەکی ڕێگای خانێ - سەردەشت

فۆتۆی: هەڤاڵ نەژاد

ئەم چەند وێنەیە، لە سەردانی ئەم ساڵم بۆ رۆژهەڵاتی کوردستان گیراوە.

کاتێک لە شاری خانێ ( پیرانشار) بەرەو شاری سەردەشت دەڕۆیت، سروشتێکی جوان و دڵڕفێن دەبینی. لە دەشتێکی جوان بۆ بەرزایی و کوێستانێکی جوان، دەچی.

ئه‌گه‌ر تورکیا و ئێران رێزی ئاڵاو سه‌روه‌رییه‌کانی ئێمه‌ ناگرن با خۆمان رێزیان بگرین!

ئاڵای ئێران له‌ پشت سه‌رۆکی هه‌رێم دانراوه‌

هه‌ڤاڵ نه‌ژاد 

هه‌رێمی کوردستان، به‌گوێره‌ی ده‌ستووری عێراق، هه‌رێمێکی قانوونی و فه‌رمییه‌ و له‌ ئاستی نێوده‌وڵه‌تیشدا دانی پێدانراوه‌. ئاڵای هه‌رێمێش که‌ ئاڵای کوردستانه،‌ به‌هه‌مان شێوه‌ ده‌ستووری و قانوونییه‌ و، به‌شێکه‌ له‌ سه‌روه‌ری هه‌رێمی کوردستان، که‌ پێویسته‌ هه‌ر وڵاتێک رێزی لێ بگرێ.

وێنه‌... ئێواره‌یه‌کی ده‌ورووبه‌ری مه‌هاباد

هه‌ڤاڵ نه‌ژاد

ئه‌م وێنانه‌ له‌ سه‌ردانی مانگی 7ی ئه‌مساڵم بۆ ڕۆژهه‌ڵاتی کوردستان، گیراوه‌. له‌ کاتی گه‌ڕانه‌وه‌ له‌ ورمێ وه‌ بۆ مه‌هاباد و له‌وێوه‌ بۆ بانه‌.

وێنه‌کان له‌ دووری 25 کیلۆمه‌تر له‌ ماهاباده‌وه‌ گیراوه‌.

سه‌باره‌ت به‌ ئیسلامییه‌کانی رۆژهه‌ڵاتی ناوه‌ڕاست !

هه‌ڤاڵ نه‌ژاد 

به‌بڕوای من ئیسلامییه‌کانیش له‌وان باشتر نابن، ئه‌گه‌ر نموونه‌ی تورکیا وه‌رگرین، که‌ به‌قسان باشترینیانه‌، ده‌بینین کورد له‌ چ بارودۆخێکدا ده‌ژین له‌ ژێر سایه‌ی ئه‌و وڵاته‌دا. ته‌نانه‌ت ئیسلامێتی داد و گه‌شه‌پێدان تا ئه‌و راده‌یه‌یه‌ که‌ شه‌ری دینی ده‌کات، چه‌ند رۆژێک له‌مه‌و به‌ر به‌ پارتی به‌ده‌په‌ی گوت کورد مسوڵمان نین و زه‌رده‌شتین!

وێنه‌ ... ئێواره‌یه‌کی زانکۆی جیهان

ئێواره‌یه‌کی زانکۆی جیهان

فۆتۆ: هه‌ڤاڵ نه‌ژاد

زانکۆی جیهان، له‌ هه‌ولێری پایته‌ختی باشووری کوردستانه‌

ده‌ی ئۆکتۆبه‌ر (10-10) رۆژی جیهانی دژی له‌ سێداره‌دان

هه‌ڤاڵ نه‌ژاد
ئه‌مرۆ 10-10 رۆژی جیهانی دژی له‌ سێداره‌دانە. هێشتا له‌ ژماره‌یه‌کی زۆر له‌ وڵاتانی جیهان له‌ سێداره‌دان په‌یڕه‌و ده‌کرێ. به‌داخه‌وه‌ له‌ رابردوو و له‌ ئێستاشدا، سێدارە یه‌کێک له‌ رێگاکانه‌ بۆ له‌ناوبردنی رۆشنبیر و چالاکی مه‌ده‌نی و، سیاسییه‌ کورده‌کان، له‌ لایه‌ن ده‌وڵه‌ته‌ داگیرکه‌ره‌کانی کوردستانه‌وە.

له‌ باشووری کوردستانیش له‌ چه‌ند یاسایه‌کدا هێشتا سزای له‌ سێداره‌دان ماوه‌، من وه‌ک خۆم له‌گه‌ڵ لابردنی سزای له‌ سێداره‌دانم له‌ کوردستان.

به‌هۆی بۆمباباران کردنی کوردستان و شه‌هید کردنی هاوڵاتیانی سڤیل: هه‌وڵی به‌ دادگایی گه‌یاندنی سه‌رۆکی هێزه‌ ئاسمانییه‌کانی تورکیا ده‌درێت

هه‌ڤاڵ نه‌ژاد 

کۆمیته‌ی سکاڵای قوربانیانی بناری قه‌ندیل، له‌ هه‌وڵه‌کانیدا بۆ وه‌رگرتنه‌وه‌ی مافی قوربانیانی کاره‌ساته‌که‌ی 21-8-2011 لۆفه‌کانی کورته‌کی بناری قه‌ندیل، هه‌وڵی دادگایی کردنی سه‌رۆکی هێزه‌ ئاسمانییه‌کانی تورکیا ده‌دات، له‌ رێگه‌ی تومارکردنی سکاڵا له‌سه‌ری.

عه‌بدوڵا ده‌میرباش: خوێندنگه‌ی کوردی بۆ منداڵانی کورد ده‌که‌ینه‌وه‌، ده‌وڵه‌ت چی ده‌کا با بیکات

عه‌بدوڵا ده‌میرباش... فۆتۆ: هه‌ڤاڵ نه‌ژاد

راپۆرتی: هه‌ڤاڵ نه‌ژاد ( ئامه‌د- باکووری کوردستان)

ئه‌مرۆش فۆرمی کۆمه‌ڵایه‌تی میزۆپۆتامیا، بۆ رۆژی سێهه‌م له‌ ئامه‌د به‌رده‌وام بوو، چه‌ندین سیمینار و چالاکی مه‌ده‌نی و کۆمه‌ڵایه‌تی و هونه‌ری به‌رێوه‌چوون. سیمینارێک ده‌رباره‌ی  زمانی کوردی به‌رێوه‌چوو، تێیدا عه‌بدوڵا ده‌میرباش، سه‌رۆکی شاره‌وانی سۆری ئامه‌د، گوتی: ئه‌گه‌ر ده‌وڵه‌تی تورک بشمانخه‌نه‌ زیندان، ئێمه‌ خوێندنگه‌ی کوردی بۆ منداڵانی کورد ده‌که‌ینه‌وه‌، ده‌وڵه‌ت هه‌رچی ده‌کا با بیکا.

ئامه‌د ره‌نگه‌ جیاوازه‌کانی کوردستانی له باوه‌ش گرتووه‌

راپۆرت و فۆتۆی: هەڤاڵ نەژاد- ئامه‌د باکووری کوردستان

به‌‌ دروشمی "ئازادی سه‌رده‌که‌وێت" فۆرمی کۆمه‌ڵایه‌تی میزۆپۆتامیا له‌ ئامه‌د ده‌ستی به‌کاره‌کانی خۆی کرد.

چالاکییه‌کانی فۆرمی کۆمه‌ڵایه‌تی میزۆپۆتامیا ئێواره‌ی 21-9-2011 به‌ خۆپیشاندانێک له‌ نزیک شاره‌وانی سۆری ئامه‌د ده‌ستی به‌کاره‌کانی کرد. خۆپیشاندانه‌که‌ له‌ لایه‌ن رێکخراوه‌ مه‌ده‌نییه‌کان و سه‌ندیکاکانی ئاماده‌وه‌ ئاماده‌ کرابوو، تێیدا گه‌لی ئامه‌د و کوردانی باشوور و رۆژهه‌ڵات و رۆژئاوا و نوێنه‌ری چه‌ندین وڵات و  گه‌لی جیهان به‌شداربوون. له‌ خۆپیشاندانه‌که‌دا سروودی نه‌ته‌وه‌یی ئه‌ی ره‌قیب و نا گوتن بۆ ده‌وڵه‌تی تورک و بژی گه‌ریلا و دروشمه‌کانی په‌که‌که‌ ده‌گوترانه‌وه‌.

ده‌ست له‌ کار کێشانه‌وه‌

لۆگۆی رێکخراوی ئاینده‌

من (هه‌ڤاڵ نه‌ژاد) زیاتر له‌ سێ ساڵ‌ له‌ رێکخراوی (ناوه‌ندی ئاینده‌ بۆ پرسه‌کانی گه‌نج) کارم کردووه‌ و ، له‌ ده‌سته‌ی دامه‌زرێنه‌رانی بووم (له‌ کاتی تۆمارکردنی وه‌ک ریکخراو) له‌و ماوه‌یه‌دا چه‌ند ئه‌رکێکم به‌رێوه‌بردووه‌، سه‌رنووسه‌ری ماڵپه‌ڕی ئاینده‌ و به‌رپرسی راگه‌یاندن و په‌یوه‌ندییه‌کان بووم له‌و رێکخراوه‌. له‌و ماوه‌یه‌دا به‌شداری هه‌موو پرۆژه‌ و چالاکییه‌کانی ئه‌و رێکخراوه‌م کردووه‌ و هه‌وڵم داوه‌ له‌ رێگه‌یه‌وه‌ به‌ گوێره‌ی توانای خۆم خزمه‌تێک به‌ لاوانی کوردستان و کۆمه‌ڵگه‌که‌م بکه‌م.

به‌ دروشمی "ئازادی سه‌رده‌که‌وێت" فۆرمی کۆمه‌ڵایه‌تی میزۆپۆتامیا له‌ ئامه‌د کۆده‌بێته‌وه‌

ئاماده‌کردنی: هه‌ڤاڵ نه‌ژاد 

فۆرمی کۆمه‌ڵایه‌تی میزۆپۆتامیا، بڕیاره‌ له‌ 21 تا 25-9-2011 له‌ ئامه‌دی باکووری کوردستان، کۆبوونه‌وه‌یه‌کی نێونه‌ته‌وه‌یی به‌ به‌شداری چه‌ندین وڵاتی جیهان له‌ ژێر ناونیشانی "له‌ پێناو ئازادی، له‌ به‌رامبه‌ر کاپیتالیزم و چه‌وساندنه‌وه‌دا ( ئازادی سه‌رده‌که‌وێت) " به‌رێوه‌ده‌چێت.

له‌ بانگه‌وازی فۆرمی کۆمه‌ڵایه‌تی میزۆپۆتامیا سه‌باره‌ت به‌ رێکخستنی ئه‌م چالاکییه‌دا هاتووه‌"  له‌م سه‌رده‌مه‌دا كه‌به‌به‌هاری خه‌ڵكی رۆژهه‌ڵاتی ناوه‌ڕاست ناوده‌برێت، له‌كاتێكدا هه‌ندێك ده‌سه‌ڵات هه‌ره‌سدێنن و هه‌ندێك حكومه‌تی دیكه‌ خۆیان رێكده‌خه‌نه‌وه‌. له‌كاتێكدا كۆلۆنیالیسته‌كان خه‌ڵك و ژینگه‌ به‌بۆمباو مه‌وادی كیمیاوی و دروستكردنی به‌نداوو ده‌رمانی دژه‌مێروو له‌ناوده‌به‌ن.

له‌ به‌رامبه‌ر هێڕشه‌کانیاندا سکاڵا دژی ئێران و تورکیا له‌ دادگا نێوده‌وڵه‌تییه‌کان تۆمار ده‌کرێت

کۆمیته‌ی سکاڵا دژ به‌ په‌لاماره‌کانی تورکیا و ئێران کۆنفرانسێکی رۆژنامه‌وانی سه‌باره‌ت به‌ رۆڵی یاسا و دادوه‌ری له‌ قوربانیانی په‌لاماره‌کانی ئێران و تورکیا به‌رێوه‌برد.

کۆنفرانسه‌که‌ ئێواره‌ی ئه‌مڕۆ سێشه‌ممه‌ 13-9-2011 له‌ سه‌نته‌ری ئاڵا له‌ شاری هه‌ولێر به‌رێوه‌چوو. تێیدا که‌س وکاری حه‌وت قوربانییه‌که‌ی کورته‌ک و ئه‌ندامێکی په‌رله‌مانی کوردستان و ژماره‌یه‌ک پارێزه‌ر و یاساناس و چالاکانی مه‌ده‌نی و مافی مرۆڤ به‌شداربوون.

هه‌ڤاڵ نه‌ژاد: ئەو كەسەی تاوانی زۆر بچووكی كردووە، لەگەڵ بازرگانی ماددە هۆشبەر و تیرۆریست و بكوژەكاندا لە هۆبەیەكدایە و ئەمەیش پێشێلكردنی مافی مرۆڤـە لە هەرێمی كوردستاندا

دیراسەی پڕۆژەیاسای لێبووردنی گشتی دەكرێت 

 ژیوار ئیبراهیم

بە باوەڕی چاودێران و پەرلەمانتاران، لیژنەی مافی مرۆڤ ئەگەرچی توانیویەتی هەندێك هەنگاو بهاوێت، بەڵام نەیتوانیوە چاودێریی حكوومەت لەسەر پرسەكانی پێوەندیدار بە مافی مرۆڤ بكات. چالاكێكی ئەم بوارەیش، دەڵێت كە لیژنەی نەزاهە پاكانە بۆ دەستەڵاتی سیاسی دەكات.

بەپێی ماددەی (38) لە پێڕۆی ناوخۆی پەرلەمانی كوردستان، لیژنەی (سكاڵاكان و مافی مرۆڤ) وەكوو لیژنەیەكی هەمیشەیی پێك هاتووە و لە سەرەتایشدا ئەركی لیژنەی مافی مرۆڤ كاركردن بووە لەسەر بنەمای سكاڵاكانی هاووڵاتیان،

هه‌ڤاڵ نه‌ژاد: لەو ڕۆژەوەی كەحكومەت بەدەست یەكێتییەوەیە، پارتی زیرەكانە هەوڵی ئەوەیداوە كەوای نیشان بدات كابینەی شەشەم خراپە‌و بەتوندیش ڕەخنەی لێدەگرێت

photo by Haval

هه‌ڤاڵ نه‌ژاد: لەو ڕۆژەوەی كەحكومەت بەدەست یەكێتییەوەیە، پارتی زیرەكانە هەوڵی ئەوەیداوە كەوای نیشان بدات كابینەی شەشەم خراپە‌و بەتوندیش ڕەخنەی لێدەگرێت

لەهەولێر، رێگە لەوخۆپیشاندانە ناگیرێت كەلەدژی ئەووەزارەتانە دەكرێن وەزیرەكانیان پارتی نین

بەرزان عەلی ـ ڕاپۆرتی مەیدانی

راپۆرتێکی وێنه‌یی له‌ خۆپیشاندانی شاری هه‌ولێر دژی تورکیا

دژی هێرشه‌کانی تورکیا و ئێران بۆ سه‌ر سنووره‌کانی هه‌رێمی باشووری کوردستان و، شه‌هیدکردنی حه‌فت هاونیشتیمانی و خاپوورکردنی گونده‌کانی کوردستان و سوتاندنی ره‌ز و باخی گوندنشینان، ئه‌مڕۆ چوارشه‌ممه‌ 24-8-2011 سه‌دان هاوڵاتی له‌ شاری هه‌ولێر خۆپیشاندانێکیان بۆ به‌رده‌م کونسوڵخانه‌ی تورکیا به‌رێوه‌برد.

هه‌ولێر: دژی هێرشه‌کانی تورکیا خۆپیشاندانێک به‌رێوه‌چوو

هه‌ڤاڵ نه‌ژاد 

دژی هێرشه‌کانی تورکیا و ئێران بۆ سه‌ر سنووره‌کانی هه‌رێمی باشووری کوردستان و، شه‌هیدکردنی حه‌فت هاونیشتیمانی و خاپوورکردنی گونده‌کانی کوردستان و سوتاندنی ره‌ز و باخی گوندنشینان، سه‌دان هاوڵاتی له‌ شاری هه‌ولێر خۆپیشاندانێکیان بۆ به‌رده‌م کونسوڵخانه‌ی تورکیا به‌رێوه‌برد.

بێ هه‌ڵوێستی مه‌لاکان له‌ هێرشی عه‌ره‌ب و تورکیا و ئێران

وێنه‌: رووداونێت 

له‌ لاپه‌ره‌ی فه‌یسبووکه‌که‌مه‌وه‌ 

باشه‌ ئه‌وه‌ بۆ مه‌لایه‌کی کورد وه‌ک پیاو نایه‌ته‌ پێشێ و فه‌توایه‌کی پیاوانه‌ بدات! بڵێ ئاخر به‌م ره‌مه‌زانه‌ تورک و فارس و عه‌ره‌ب له‌ سێ لاوه‌ هێرشمان ده‌که‌نه‌ سه‌ر خوا به‌رداری نییه‌. ده‌سا کوردینه‌ ئێوه‌ش بکه‌ونه‌ چالاکی مه‌ده‌نی و سیاسی و سه‌ربازی و..... ئه‌وه‌ی به‌شداری بکات جیهاده‌ و ئه‌وه‌ی به‌شداری نه‌کات کافره‌!

هه‌ڤاڵ نه‌ژاد بۆ سبه‌ی: ئێران هه‌‌ڵسوكه‌‌وتی ئاغا و مسكێن له‌‌گه‌‌ڵ ده‌‌سه‌‌ڵاتی باشوری كوردستان ده‌‌كات

(سبه‌ی): 

چالاكوانێكی‌ كۆمه‌ڵی‌ مه‌ده‌نی‌ نه‌‌بونی هه‌‌ڵوێستی جدی حكومه‌‌ت سه‌‌باره‌‌ت به‌‌ تۆپبارانه‌‌كان، بۆ نه‌بونی‌ ئیراده‌یه‌كی‌ به‌هێزی‌ نه‌ته‌وه‌یی سه‌ركردایه‌تی‌ سیاسی‌ باشووری‌ کوردستان ده‌گه‌ڕێنێته‌وه‌، پێشیوایه‌، ئێران هه‌‌ڵسوكه‌‌وتی ئاغا و مسكێن له‌‌گه‌‌ڵ ده‌‌سه‌‌ڵاتی باشوری كوردستان ده‌‌كات.

هه‌ڤاڵ نه‌ژاد، چالاكوانی كۆمه‌ڵی‌ مه‌ده‌نی‌ له‌‌ هه‌ولێر بۆ (سبه‌ی‌) رایگه‌یاند: پێموایه‌ په‌‌یوه‌‌ندیی مێژویی پارته‌‌كانی ده‌‌سه‌‌ڵاتی‌ باشوری‌ كوردستان و كۆماری ئیسلامی ئێران، هه‌‌میشه‌‌ په‌‌یوه‌‌ندی پارتێكی لاواز و وڵاتێكی به‌‌هێزی ناوچه‌‌كه‌‌ بووه‌‌.

با رژێمی سووریا نه‌ڕووخێ !

له‌ لاپه‌ره‌ی فه‌یسبووکه‌که‌مه‌وه‌

هه‌موو دنیا ده‌ڵێت رژێمی سووریا ده‌بێت بڕووخێت، که‌چی هێزه‌ کوردییه‌کانی رۆژئاوا ده‌ڵێن نا ئێمه‌ دیموکراسیمان ده‌وێ! ته‌نانه‌ت هێزه‌کانی سێ پارچه‌که‌ی دیکه‌ش وا ده‌ڵێن! مامۆستا حه‌کیم کاکه‌وه‌یس، زۆر باشی بۆچووه‌، (نزیکه‌ی)هه‌موو هێزه‌کان به‌هۆی پێوه‌ندی جاسووسییانه‌وه‌ به‌ موخابه‌راتی سوورییه‌وه‌ نایانه‌وێ رژێمی ئه‌سه‌د بڕووخێت و فایلیان به‌گۆڕێ وه‌ربێ. زۆری نه‌ماوه‌ ئه‌و راستیانه‌ش ده‌بینین!

راپۆرتێکی وێنه‌یی له‌ ده‌ڤه‌ری بارزان

فۆتۆ: هه‌ڤاڵ نه‌ژاد 

ئه‌م کۆمه‌ڵه‌ وێنه‌یه‌ له‌ سه‌ره‌تای به‌هاری ئه‌مساڵ له‌ گه‌شتێکدا له‌ ده‌ڤه‌ری بارزان گیراون.

بۆ گه‌وره‌کردنی وێنه‌کان، کرته‌ له‌ سه‌ر وێنه‌کان بکه‌ن، یاخود له‌ ڕێگه‌ی ئه‌کاونتی ئه‌لبوومی پیکاسای من وێنه‌کان ببینین.

ئه‌لبوومی پیکاسا

راپۆرتێکی وێنه‌یی له‌ ده‌ڤه‌ری شارباژێڕ

چه‌ند دیمه‌نێک له‌ هاوینی ده‌ڤه‌ری شارباژێر
فۆتۆ: هه‌ڤاڵ نه‌ژاد 

ئه‌مه‌ کۆمه‌ڵه‌ وێنه‌یه‌ به‌ کامێرایه‌کی ئاسایی گیراوه‌. زۆرێک له‌ وێنه‌کان له‌ ناو ئۆتۆمبێله‌وه‌ گیراون، بۆیه‌ وێنه‌ی ئاسایین، نه‌ک پرۆفیشناڵ. به‌لای خۆمه‌وه‌ جوان بوون، ویستم هاوڕێیانی بڵۆگه‌که‌شم بیبینن، به‌ڵکه‌ ئه‌وانیش چێژ له‌ بینینی وه‌رگرن.

چوار ئه‌فسه‌ره‌ شه‌هیده‌که‌، چوار ئه‌ستێره‌که‌ی ئاسمانی کوردایه‌تی

هه‌ڤاڵ نه‌ژاد 

ئه‌مڕۆ ساڵڕۆژی له‌ سێداره‌دانی چوار ئه‌فسه‌ره‌ تێکۆشه‌ره‌که‌ی کۆماری کوردستانه‌، که‌ له‌لایه‌ن حکومه‌تی پاشایه‌تی عێراقی داگیرکه‌ره‌وه‌ له‌ سێداره‌دران.

ناوچه‌گه‌رێتی و کاکی کۆمه‌ڵناسم!

هه‌ڤاڵ نه‌ژاد 

ئه‌م ئێواره‌یه‌ له‌ که‌ناڵی ئێن ئاڕ تی، به‌رنامه‌یه‌ک به‌ناوی (مایکی خه‌ڵک) له‌ باره‌ی ناوچه‌گه‌رێتی و شارچێتی له‌ کوردستان به‌رێوه‌چوو. سه‌ره‌تا په‌یوه‌ندییان به‌ توێژه‌رێکی کۆمه‌ڵایه‌تی( کۆمه‌ڵناس)ـه‌وه‌ کرد، تا به‌ زانستیانه‌ هۆکاره‌که‌ی شی بکاته‌وه بۆ بینه‌ران و ئه‌وانه‌ی په‌یوه‌ندی به‌ به‌رنامه‌که‌وه‌ ده‌که‌ن‌. کاکی کۆمه‌ڵناس جگه‌ له‌ هۆی ئابووری و سیاسی ده‌یگوت ( ئێمه‌ له‌ کۆمه‌ڵناسیه‌وانێ شتێکمان خوێندووه‌ به‌ ناوی ناسیۆنالیزم، ئه‌مه‌یه‌ هۆکاری شارچێتی و ناوچه‌گه‌رێتییه‌وانێ).

پیرۆزبێت سه‌رکه‌وتنی کوردانی باکوور

هه‌ڤاڵ نه‌ژاد 

وه‌ک چاوه‌ڕوان ده‌کرا ئه‌مڕۆ 12-6-2011  کوردانی باکووری کوردستان، سه‌رکه‌ونێکی گه‌وره‌یان له‌ چاو هه‌ڵبژاردنی پێشووی په‌رله‌مانی تورکیا به‌ده‌ستهێنا. به‌شێوه‌یه‌ک نزیکه‌ی دوو هێنده‌ی هه‌ڵبژاردنی پێشوو کورسی په‌رله‌مانیان مسۆگه‌رکرد.

به‌گوێره‌ی دوا هه‌واڵ له‌ ئه‌نجامه‌ به‌راییه‌کانی هه‌ڵبژاردنه‌کانی باکووری کوردستان و تورکیا، کاندیده‌ سه‌ربه‌خۆکانی کورد که‌ له‌ یه‌کگرتنی چه‌ندین هێزی سه‌ربه‌خۆی باکووری کوردستان پێکهاتبوون، له‌ ژێر چه‌تری (به‌ره‌ی ره‌نج، ئاشتی و دیموکراتی) 36 کورسیان به‌ده‌ست هێناوه‌. هیوادارم له‌ ئه‌نجامی کۆتایی کورسی دیکه‌ش زیاد بکه‌ن. ئه‌مه‌ سه‌رکه‌وتنێکی مه‌زنی کوردانه‌ و جێگه‌ی خۆشحاڵی و پیرۆزباییه‌ له‌ هه‌موو کورد، به‌تایبه‌تی هاونیشتمانیانی باکوور.

راپۆرتێک سه‌باره‌ت به‌ هه‌ڵبژاردنی هه‌فته‌ی داهاتووی باکووری کوردستان

هه‌ڤاڵ نه‌ژاد 

هه‌ڵبژاردنی په‌رله‌مانی باکووری کوردستان و تورکیا، نێزیک بۆته‌وه‌. وابڕیاره‌ 12ی ئه‌م مانگه‌ به‌رێوه‌ بچێت. کوردانی باکووری کوردستان، له‌ ژێر ناوی ( به‌ره‌ی ره‌نج، ئاشتی و دیموکراتی) خۆیان ئاماده‌کردووه‌، ئه‌م به‌ره‌یه‌ له‌ کۆنگره‌ی جڤاکی دیموکراتی (DTK) به‌ سه‌رۆکایه‌تی ئه‌حمه‌د تورک و، ئایسه‌ل توغلوک، و پارتییه‌کانی ( پارتی ئاشتی و دیموکراتی BDP– پارتی به‌شداری دیموکراتی KADEP- پارتی ماف و ئازادییه‌کان HAK-PAR- ) و سیاسه‌توانه‌ سه‌ربه‌خۆکانی باکووری کوردستان، پێکهاتوون. له‌ رکابه‌رییه‌کی به‌هێزدان له‌گه‌ڵ پارتی داد و گه‌شه‌پیدان (AKP)ی پارتی ده‌سه‌ڵاتداری تورکیا.

یادی بۆردومانی قەڵادزێ لە ٢٤-٤-١٩٧٤

هەڤاڵ نەژاد 
بەیانی یادی تۆپبارانی شاری قەڵادزێ و زانکۆی سلێمانییە لە 24-4-1974, ئەو دەم قەڵادزێ بەدەست شۆرشەوە بوو، بەهۆی ئەوەشەوە مامۆستا و خوێندکارانی زانکۆی سلێمانی روویان کردبووە شۆرش و لەوێ درێژەیان بە خوێندن و زانکۆ دەدا.

رژێمی عارەبی عێراقی وەک پیشەی هەمیشەیی، لەو رۆژەدا بە خەستی بۆمبابارانی شاری قەڵادزێ و زانکۆی سلێمانی کرد. لە ئەنجامدا ١٦٣ هاونیشتمانی شەهیدبوون و نزیکەی ٢٠٠ هاونیشتمانیش برینداربوون، کە جگە لە خەڵکی قەڵادزێ، خەڵکی شارەکانی دیکەشی تێدابووە.

١١٣ ساڵەی رۆژنامەگەری کوردی پیرۆزبێت

هەڤاڵ نەژاد 

٢٢-٤-١٨٩٨، ١١٣ ساڵ لەمەوبەر و لە قاهیرەی پێتەختی وڵاتی میسر، یەکەمین رۆژنامەی کوردی لە مێژوودا چاپ و بڵاوکرایەوە. ئەو رۆژنامەیە ناوی کوردستان بوو، دامه‌زرێنه‌رەکەی "میقداد مه‌دحه‌ت به‌درخان" ـە، کە بەهۆی سیاسەتی دژە کوردانەی دەوڵەتی عوسمانی ناچاربوو روو بکاتە وڵاتی میسر و، لەوێ رۆژنامەی کوردستان چاپ و بڵاوبکاتەوە.

چەند پرسیارێکی سادە لە یادی ئەنفالدا

هەڤاڵ نەژاد 

بەیانی ١٤-٤ ساڵیادی ئەنفالە! ئەنفال، ئەو زامەیە بۆ هەمیشە بەجەستەی کوردەوە دەمێنێتەوە. ئەنفال، جینۆسایدێکی بەرنامە بۆداڕێژراوی نەتەوەی عەرەبە، دژی نەتەوەی کورد و، هەموو قۆناغەکانی جینۆسایدی تێدا پێرەوکراوە. مەرجە نێودەوڵەتییەکانی کۆمەڵکوژی و قڕکردن و لەناوبردن و سڕینەوە و پاکتاوی رەگەزی و، نەهێشتنی کولتوور و زمان و خاک و ئاوی تێدا ئەنجامدراوە، کە دەبێتە هۆی ئەوەی تاوانێک لە رووی نێودەوڵتییەوە بە جینۆساید بناسرێت.

راپۆرتێک دەربارەی یاسای کاری رێکخراوەکانی کۆمەڵی مەدەنی

فۆتۆ: هەڤاڵ نەژاد

هەڤاڵ نەژاد 

سەرەنجام دوای ١٩ ساڵ بەسەر دەرچوونی یاسای کاری رێکخراوەکانی کۆمەڵی مەدەنی، پەرلەمانی کوردستان، یاسایەکی نوێی لە رۆژی 6/4/2011 نوێی پەسەندکرد, بەبێ ئامادەبوونی لیستە ئۆپۆزسیۆنەکان.

پێشانگای نێودەوڵەتی هەولێر بۆ عارەبان کراوەتەوە !

هەڤاڵ نەژاد 

ئەمرۆ چووم بۆ پێشانگای نێودەوڵەتی هەولێر بۆ کتێب، ئەوەی لە تابلۆکەیدا نووسراوە ( بێشانگای نێو دەولەتی هەولێر بو کتێب). هەر لە دیتنی ئەو تابلۆیەدا بۆم روونبوەوە چ پێشانگایەکە! ئاخر حکومەتێک نەزانێت پێنج وشەی ناونیشانی پێشانگایەک بە دروستی بنووسێت، دەبێت چ دڵێک بە رۆشنبیری و کردنەوەی پێشانگای کتێبی خۆش بکەیت؟

راپۆرتێکی وێنەیی لە قەڵای مێژوویی دوین

هەڤاڵ نەژاد 

قەڵای دوین، یەکێکە لە قەڵا مێژووییەکانی کوردستان و دەکەوێتە پارێزگای هەولێر و رۆژئاوای شارۆچکەی پیرمام ( سەڵاحەدین). هەوڵم دا لە رێگەی ئەنتەرنێتەوە زانیاری دەربارەی ئەم قەڵایە کۆبکەمەوە، ئەویش تەنها لە ماڵپەڕی پارێزگای هەولێر بە یەک دێڕ دەربارەی ئەم قەڵایە نووسراوە و هیچی دیکەم نەدیتەوە.

یەک دێڕەکەی ماڵپەڕی پارێزگای هەولێریش بەم شێوەیە (( مێژووی ئه‌ م قه‌لایه‌ ده‌گه‌رێتەوە‌ بۆ ( سه‌ردمی میری سۆران ).که‌ ئه‌م میر نشینه‌ (100 ) ساڵی خایاند له‌ م شوێنه‌دا .))

دەربارەی خەباتی چەکداری و مەدەنی لە رۆژهەڵاتی کوردستان

هەموو شۆرش و بزووتنەوە چەکدارییەکانی کوردستان، بە رۆژهەڵاتیشەوە، هەمیشە لەهەوڵی ئەوەدابوون پشتیوانی گەلی سەردەست بەدەست بێنن, بەبیانووی ئەوەی بەرگری دەکەن، شەڕیان لەناو ماڵی کورددا کردووە. لە کاتێکدا ئەگەر وازمان لەو برایەتی و خوشکایەتییە درۆیینانە و عاشقایەتی یەکلایەنە بهێنایەو، شەڕمان ببردایە ناو دڵی شارەکانی دوژمن، بەدڵنییاوە کاریگەری خەباتی چەکداری زۆر باشتر و کەم زیانتریش دەبوو بۆکورد.

هەڤاڵ نەژاد: دەسەڵات دەبێ خۆی بكاتە خاوەنی داخوازییەكانی خەڵكی كوردستان، بە بنبڕكردنی گەندەڵی و جێبەجێكردنی داواكارییەكانی خۆپێشاندەران و بە تایبەت توێژی گەنجان

بەختیار عەلی: دەبێت گەنجان خۆیان ڕكێفی ژیانی سیاسیی خۆیان بگرنە ئەستۆ 

نووسەر و ڕووناكبیر (بەختیار عەلی)، پێی وایە كە نەوەی ئێستا تووڕەیە، بەڵام زمانی خۆی نەدۆزیوەتەوە. لە لایەكی دیكەیشەوە، هەندێك چاودێر و ڕۆژنامەنووس، لەسەر ئەو باوەڕەن كە ئەجێندای سیاسیی ئۆپۆزسیۆن، ڕێڕەوی ڕاستەقینەی خۆپێشاندەرە “گەنجەكان”ـی گۆڕیوە و، ڕاوێژكارێكی حكوومەتیش، دەڵێت كە سەرەتا داخوازیی “گەنجان”، داخوازیی سەرجەم كوردستان بوو، بەڵام دواتر بە سیاسی كران.

ئەشکەوتی شانەدەر، شوێنەوارە گرنگەکەی مرۆڤایەتی بێ کەسە !

هەڤاڵ نەژاد 

لەمێژ بوو ناوی ئەشکەوتی شانەدەر و مێژووەکەیی و دۆزینەوەی کۆنترین جۆری مرۆڤ (نیاندەرتاڵ)م لەو ئەشکەوتە بیستبوو کە کۆنترین لانکەی مرۆڤایەتییە و مرۆڤە سەرەتاییەکان لەوێ ژیاون. لە وانەی مێژووشدا لە قۆناغی بەر لە زانکۆ هەندێکمان لەبارەیەوە خوێندبوو، لە شوێنێکدا نووسرابوو سەر بە پارێزگای سلێمانییە، لە شوێنێکی دیکەش نووسرابوو سەر بە شاری سۆرانی پارێزگای هەولێرە! 

شاندێکی سەنتەری رۆشنبیری فەڕەنسی سەردانی ناوەندی ئایندە دەکەن

پێش نیوەڕۆی ئەمڕۆ چوارشەممە ٣٠-٣-٢٠١١، شاندێکی سەنتەری رۆشنبیری فەڕەنسی لە هەولێر سەردانی ناوەندی ئایندە بۆ پرسەکانی گەنج یان کرد و لەلایەن ستافی ناوەندی ئایندەوە پێشوازیکران. لەو سەردانەدا ئاماژە بە پرۆژە و کارەکانی ناوەندی ئایندە لە ئێستا و رابردوو کرا و ئاماژە بە مەبەستی سەردانی شاندی فەڕەنسی کرا کە کارکردنی هاوبەش و پێکەوەیی بوو لەگەڵ ناوەندی ئایندە. هەروەها بریاردرا چەند کارێک پێکەوە ئەنجام بدرێت :

کاتێک هەولێر دەبێتە شەقامێکی تورکیا

ئەمرۆ بەهۆی سەردانی میری رەگەزپەرست و کوردکوژان، زۆرێک لە شەقامەکانی پایتەخت وێڕای ئاڵای رەگەزپەرستانەی تورکیا، پڕبوون لە هێزی چەکدار بۆ پاسەوانی مەلا ئەردۆگان. مەلاش چ مەلا، شێخ رەزا گوتەنی: 

بەتەحریکی تاڵێکی سەد هەزار نەفس بە کوشتن دەدا 

رەئیسی حیلەکارانە شای قومار بازانە ئەم ریشە.

 ئاخر سەردانی دیپلۆماسیش رەوشتی هەیەو لەسەر بنەمای بەرژوەندی و ریزگرتنی هاوبەشە، نەک وەک ئێمە هێندە خۆمان بچووک ببینین و شار پڕکەین لە ئاڵای تورکان و بەشەرمەوە ئاڵایەکی خۆمان لە تەنیشتییەوە هەڵدەین.

ئاهەنگی نەورۆزی ٢٠١١ لە هەولێر

هەواڵ و وێنە: هەڤاڵ نەژاد

ئێوارەی ئەمڕۆ ٢٠-٣-٢٠١١ لە پارکی شانەدەری شاری هەولێر، وێرای کردنەوەی ئاگری نەورۆز،ئاهەنگێکی جەماوەری بەرێوەچوو. لە ئاهەنگەکەدا بەخۆشحاڵییەوە جگە لە ئاڵای کوردستان، ئاڵایەکی دیکە نەدەبینرا.

ئاهەنگ و ئاگرکردنەوەی نەورۆزی ئەمساڵ ئامادەکارییەکی باشی بۆ کرابوو لەلایەن پارێزگای هەولێرەوە.

نەورۆزتان پیرۆزبێت

نەورۆز هێمای سەرکەوتن و نوێبوونەوە 

نەورۆز و ساڵی نوێی کوردی لە هەموو کوردان پیرۆزدەکەم و هیوادارم بەهارێکی خۆش و ساڵێکی پڕ سەرکەوتن بێت بۆ گەلی کورد. هیوادارم نەورۆزەکانی داهاتوو لە کوردستانی سەربەخۆ لەژێر ئاڵای کوردستاندا ئاگری نەورۆز بکرێتەوە و چیتر ئاڵای داگیرکەران نەبینین.

دووبارە نەورۆز و ساڵی نوێی کوردی لە هەموو گەلی کورد پیرۆزبێت.

هەڤاڵ نەژاد

١٢ی ئازار ساڵیادی سەرهەڵدان و کۆمەڵکوژی کوردانی رۆژئاوای کوردستان

ئەمرۆ ساڵیادی سەرهەڵدانی کوردانی رۆژئاوای کوردستانە لە شاری قامیشلۆ، کە لە لایەن رژێمی بەعسی سووریاوە بەشێوەیەکی هۆڤانە بەرپەرچی کوردانیان دایەوەو دەیان و سەدانیان لێ شەهید و بریندار و قۆڵبەست کردن.

ئەم سەرهەڵدانەی کوردان لە ١٢-٣-٢٠٠٤ لە ئەنجامی یارییەکدا لە نێوان دوو تیمی وەرزشی، کە یەکیان عەرەبی و ئەوی دیکە هی کوردانی قامیشلۆ بوو، روویدا. ئەویش بەهۆی ئەوەی دوای یاریەکە عەرەبەکان بە هاوکاری دەسەڵاتی سوریا هێرشیانکردە سەر کوردان و ژمارەیەکیان شەهید کرد و ئەمەش وایکرد کوردان لە شارەکانی رۆژئاوای کوردستان راپەڕن، بەڵام دەسەڵاتی سووری دڕاندانە کەوتنە گیانی لاوانی کورد و کۆمەڵکوژیان کردن و لە ئەنجامدا ٣٥ کەسیان شەهید کرد، وێڕای بریندارکردنی دەیان و سەدانی دیکە.

جێگەی وەبیرهێنانەوەیە لە ئێستادا رژێمی سووریا بەشێوەیەکی زۆر سیستەماتیک جینۆسایدی کوردان بەرێوەدەبات و هەموو قۆناغەکانی تێپەڕاندووە و دەیەوێ وێڕای داگیرکردنی خاکی کوردان، رەگەزی کوردانیش نەهێڵێ.

یادی راپەڕین یان خۆنمایشکردنی حیزبەکان

١١ی ئازاری ٢٠١١- هەولێر- فۆتۆ: هەڤاڵ

هەڤاڵ نەژاد

ئەمڕۆ ساڵیادی رێککەوتنامەی ١١ی ئازاری ١٩٧٠ و هاوکات یادی راپەڕینی شاری هەولێری پایتەخت بوو. لە بەردەم بازاری نیشتمان گوایە یادی ئەو رۆژە دەکەنەوە و هەزاران هاوڵاتی کۆببوونەوە، لێ لە راستیدا هێندەی نمایشکردنی حیزبیانەی پارتی و یەکێتی بوو، نیو هێندە مەبەست لەو یادە نەبوو.

ئەتگوت نەوەتەکانە پارتی و یەکێتی شەڕە پەرۆیان دەکرد، لەم لاوە دەیانگوت کاکە نەبێت نامانەوێ، لەولاش دەیانگوت شێری ئیمامی عەلی - کۆسرەت رەسوڵ عەلی, دەیان دروشمی حیزبی دیکە.

ئەم ساڵیادە نەتەوەیی بوو نەک حیزبی، بەڵام یەک لە سەتی رەمزی نەتەوەیی ئێمە کە ئاڵای کوردستانە، لە بەرامبەری ئاڵای پارتی و یەکێتی نەدەبینرا لەو گردبوونەوەیەدا.

هەڤاڵ نەژاد: حزبەكان هەریەكەو چەندین رێكخراویان بەناوی رێكخراوی مەدەنی دروستكرد كە هەریەكەیان بەرپرسێك پاڵپشتی لێدەكات و پارەیەکی زۆری خەڵكی كوردستانیان لەو بوارەدا بەهەدەردا

کۆنفرانسی هەرێمایەتی تایبەت بە یاسای رێکخراوەکان - فۆتۆ: هەڤاڵ

لەمەودوا رێكخراوەكانی كۆمەڵگەی مەدەنی پێویستیان بە مۆڵەت نامێنێت   

بەدواداچوون: هێمن مەلازادە - رووبەر

ئێستا هەرێمی كوردستان خاوەنی دوو یاسای رێكخراوەكان و سەنتەرەكانە و لە سلێمانیش رێنماییەكی سەردەمی دوو ئیدارەیی كاری پێدەكرێت، كەچی هیچكام لەم یاسایانە گرفتی یاسایی رێكخراوەكانی كۆمەڵگەی مەدەنی چارەسەر نەكردووە، چالاكوانێكی مەدەنی پێیوایە رێكخراوەكانی سەر بە حزبەكان لەمپەری سەرەكی بەردەم پەسەندنەكردنی یاسایەكی مۆدێرن و یاریدەدەرێكی سەرۆكی حكومەتیش موژدەی بوونی یاسایەكی نوێ لە مانگی سێی ئەمساڵ بە رێكخراوەكان دەدات.