30 December 2010

بەمەبەستی چارەسەرکردنی کێشەکان، ناوەندی ئایندە کۆبوونەوەیەک لەگەڵ لایەنە پەیوەندیدارەکانی بواری وەرزش ساز دەکات

هەڤاڵ نەژاد

سەرلەبەیانی ئەمڕۆ پێنج شەممە ٣٠-١٢-٢٠١٠ ناوەندی ئایندە بۆ پرسەکانی گەنج، کۆبوونەوەیەکی دەربارەی رەوشی وەرزش و کێشەکانی بۆ ژمارەیەک لایەنی پەیوەندیداری وەرزشی سازکرد.

لە کۆبوونەوەکەدا کە لە هۆڵی چۆپی هوتێلی چوارچرا لەشاری هەولێر، بەرێوەچوو. تێیدا نوێنەرانی هەریەکە لە وەزارەتی رۆشنبیری ولاوان و راگرایەتی پەروەردەی وەرزشی زانکۆی کۆیە و یانەی وەرزشی هەولێر و یانەی ئاسۆ و یانەی برایەتی و یانەی پێشکەوتن، لەگەڵ رۆژنامەوانانی وەرزشی و کەسایەتی وەرزشی، بەشداربوون.

پەرلەمان و حکومەت و دادگا گلەییان هەیە! ئەی ئێمە گلەیی لە کێ بکەین؟


هەڤاڵ نەژاد

لە یادی رۆژی مافەکانی مرۆڤ، رۆژی ٩-١٢-٢٠١٠ نێردەی نەتەوە یەکگرتووەکان لە عێراق و کوردستان (UNAMI)، نووسینگەی مافی مرۆڤ، دانیشتنێکی بۆ نوێنەرانی پەرلەمان و حکومەت و ئەنجومەنی دادوەری و رێکخراوەکانی کۆمەڵگەی مەدەنی رێکخست. سەبارەت بە جیاکاری مافی مرۆڤ و رەوشی مافی مرۆڤ بەگشتی لە کوردستاندا.
منیش وەک نوێنەری رێکخراوێکی مەدەنی (ناوەندی ئایندە بۆ پرسەکانی گەنج) بەشداربووم، ئەوەی جێگەی سەرنج و هەڵوەستە لەسەرکردنم بوو لەو دانیشتنەدا، نوێنەرانی پەرلەمان و ئەنجومەنی دادوەری و حکومەت، گلەییان هەبوو لە رەوشی مافی مرۆڤ لە کورستان و هەریەکەو لەلایەی خۆیەوە دەردەڵی لە بوارەکەی خۆی دەکرد.

هەولێر داوای هەڵوەشاندنەوەی بڕیاری لەسێدارەدانی حەبیبوڵا و سەرجەم گیراوانی سیاسی کورد دەکات


 دوانیوەڕۆی ئەمڕۆ یەکشەممە ٢٦-١٢-٢٠١٠ بۆ رۆژی دووەم کۆبوونەوەیەکی نارەزایەتی دەربڕین بەرامبەر بریاری لەسێدارەدانی لاوانی رۆژهەڵات سازکرا.
کۆبوونەوەکە کاتژمێر ٢:٣٠ خولەک لەبەردەم پارکی شانەدەر لە شاری هەولێر بەرێوەچوو، سەرەتا لەلایەن هەڤاڵ نەژاد، وتاری ئامادەکارانی کۆبوونەوەکە خوێنرایەوە. تێیدا وێڕای ڕیسواکردنی بڕیاری لە سێدارەدانی لاوانی کورد، ئاماژەی بە راگرتنی بڕیاری لەسێدارەدانی حەبیبوڵای لەتیفی کرد، کە بڕیاربوو ئەمڕۆ لەشاری سنە لەسێدارەبدرێت. ئەمەش لەئەنجامی فشارێکی نەتەوەییانەی کوردانەوە لەسەرانسەری جیهان کە نزیک بەدوو رۆژە چالاکی بۆ ئەو پرسە بەردەوامە.

ئیرادەی گەل سەرکەوت

ئیرادەی گەل سەرکەوت
لە رۆڵەی خۆی خاوەن دەرکەوت
کاتێک دەستمان خستە ناو دەست
دوژمن لوتی بەزەوی کەوت

هەڤاڵ نەژاد

Photo: Sirwan Abbas

هەولێر گوتی نابۆ لەسێدارەدانی حەبیبوڵا لەتیفی

هەڤاڵ نەژاد
دوانیوەڕۆی ئەمڕۆ شەممە ٢٥-١٢-٢٠١٠ بۆ نارەزایەتی دەربڕین بەرامبەر بڕیاری لەسێدارەدانی گەنجی چالاکی رۆژهەڵاتی کوردستان ( حەبیبوڵای لەتیفی) کۆبوونەوەیەکی ناڕەزایەتی دەربڕین رێکخراو داواکرا فشار دروست بکرێت لەسەر ئێران ئەو حوکمە هەڵوەشێنێتەوە.
کۆبوونەوە نارەزایەتی دەربڕینەکە لەلایەن رێکخراوی کوردۆساید و ناوەندی و ئایندەو رێکخراوی لاوانی ئەی رەقیب، بەرێوەچوو. تێیدا ژمارەیەکی بەرچاو نووسەران و رۆژنامەوانان و مامۆستایانی زانکۆ و رێکخراو و پارتی سیاسی بەشداربوون و بەردەم دەرگای پارکی شانەدەری هەولێر کۆبوونەوە، دوای ئەوەی ڕێگە نەدرا لەناو پارکەکە چالاکییەکە ئەنجام بدرێت.

هەولێر.. خۆپیشاندەران سەركۆنەی بڕیارەكەی كۆماری ئیسلامی ئێرانیان كرد

وارڤین-هەولێر: ئەمڕۆ لەشاری هەولێر خۆپیشاندەران دەنگییان خستە پاڵ داواكەی خوێندكارێكی رۆژهەڵاتی كوردستان كە زمانی كوردی لەشوێنە گشتییەكانی ئێراندا بخوێندرێت.
ئەمڕۆ لەشاری هەولێر لەخۆپیشاندانێكدا كۆمەڵێك رۆشنبیرو مامۆستای زانكۆو رۆشنبیرانی شاری هەولێر و خەڵكی پارچەكانیتری كوردستان، دژی بڕیارەكەی كۆماری ئیسلامی ئێران لەبارەی لەسێدارەدانی خوێندكارێكی كوردی رۆژهەڵاتی كوردستان وەستانەوەو ئەو بڕیارەیان سەركۆنەكرد.

پێشنیارێک بۆ بە وەزیر خانەنشینکراوەکان


هەڤاڵ نەژاد 
پێشینان گوتوویانە تا سەر بمێنێ چاو عاجباتیان دەبینێ، خۆ ئەگەر ئەو کات حکومەتی هەرێم هەبووایە دەیانگوت تا حکومەتی هەرێم بمێنێ چاو بە هەزاران وەزیر دەبینێ! یاخود دەیانگوت بڕیاری بێماناو بێدادی حکومەت دەبینێ.
تازەترین بریاری لەو چەشنەش خانەنشین کردنی ١٩ کەسی حیزبییە بە پلەی وەزیر! کە دەکرێ وەک یەکێکی تر لە دەستکەوتە هەرە مەزنەکانی حکومەتی هەرێمی کوردستان، چاوی لێبکرێ و هەموو شانازی پێوەبکەین !

بەمەبەستی پشتیوانیکردن لە پرۆژەکانی ناوه‌ندی ئاینده‌، ناوەندی ئایندە سەردانی فراکسیۆنی گۆڕان دەکات


سەرلەبەیانی ئەمڕۆ 13-12-2010 شاندێکی ناوه‌ندی ئاینده‌ بۆ پرسه‌كانی گه‌نج، به‌مه‌به‌ستی پاڵپشتی وه‌رگرتن بۆ هه‌ر دوو پرۆژه‌ یاسای سندوقی پاڵپشتی گه‌نجان و یاسای كاری ڕێكخراوه‌كان كه‌ هه‌ردوو پرۆژه‌یاساكه‌ له‌لایه‌ن ناوه‌ندی ئاینده‌ كاری له‌سه‌ر كراوه‌، سەردانی فراکسیۆنی گۆڕانی کرد لە پەرلەمانی کوردستان.
لەو دانیشتنەدا تیشک خرایە سەر گرنگی پڕۆژه‌کان و پێویستی كار كردن بۆ گه‌نجان ، هەروەها له‌ لایه‌نی ئابوری ته‌وه‌ره‌یه‌كی گرنگی گفتوگۆكه‌بوو

بەشداری ناوەندی ئایندە لە مێزگەردی رۆژی مافەکانی مرۆڤ لە ئۆفیسی( UN) لە هەولێر

 سەر لەبەیانی ئەمڕۆ، پێنج شەممە ٩-١٢-٢٠١٠ دانیشتنێک لەژێر ناونیشانی (مێزگەردی رۆژی مافەکانی مرۆڤ- دەنگ هەڵبڕە ... جیاکاری راگرن) لەلایەن نێردەی نەتەوەیەکگرتووەکان بۆ عێراق (UNAMI) نووسینگەی مافی مرۆڤ لە هەولێر بەرێوەچوو.
سەرەتا لە لایەن بەرپرسی یونامی لە کوردستان وتەیەک پێشکەش کرا و تێیدا ئاماژەی بە رابردووی رەوشی مافی مرۆڤ لە کوردستان کرد و گوتی: کوردستان ئازارێکی زۆری جیاکاری مافی مرۆڤی بینیوە لە ڕابردوودا و گەشبینیشم بەوەی بەرەو ئایندەیەکی باشتر لەو بوارەوە هەنگاودەنێت. هەروەها داوایکرد پەرلەمانتاران و رێکخراوەکانی کۆمەڵگەی مەدەنی پێکەوە کاربکەن بۆ بەرزکردنەوەی یەکسانی و نەهێشتنی جیاکاری.

نەتەوە چییە؟


هەڤاڵ نەژاد
پرسیارێکە گرنگتر لە زۆربەی پرسیارەکانی دیکە، کە دەبێت چینی رۆشنبیری کورد بیوروژێنن و  بەدوای وەڵامێکدا بگەرێن کە شیاوبێت بۆ دۆخی کورد ، چونکە کەمترین کاری ئەکادیمیانەو زانستییانەی لەسەر کراوەو خوێنەری کورد وەک پێویست پێی ئاشنا نییە. پرسیارێکە پێویستە هەموو تاکەکەنی کورد، بەدوای وەڵامەکەیدا بگەڕێن.

سزای دوو میلیۆن دینار به‌ هۆی باسکردن له‌ ئه‌ندامه‌کانی له‌شی مرۆڤ


٢٤کاتژمێر، هه‌ڤاڵ نه‌ژاد
لەسەر نووسینی هۆنراوەیەک کە باسی ئەندامەکانی لەشی مرۆڤی کردووە، شاعیری گه‌نج هۆشەنگ شێخ موحەمەد، لەلایەن دادگەی کەتنی دهۆکەوە، بە ٢ ملیۆن دینار سزادراوە.
دوای ئه‌وه‌ی شیعری "ئه‌ز د ئه‌یفۆڕه‌کی دا" له‌ هه‌فته‌نامه‌ی چاڤدێر"، ژماره‌ (102) له‌ 15/01/2010 بڵاوکرایه‌وه‌، "محقق عدلی" ی دادگه‌ی دهۆک، ده‌گه‌ڵ فه‌رمانگه‌ی ئه‌وقافی دهۆک سکاڵایێکیان دژی‌ هۆشه‌نگ شێخ موحه‌مه‌د و سه‌رنووسه‌ری "چاڤدێر" "عه‌بدولڕه‌حمان بامه‌ڕنی" تۆمارکرد.

سەردێڕی نیە، وەڵامی دێڕی کۆتاییم بۆ بنووسە !


 لەگەڵ کەس و کار و هاوڕێ و فەرمانبەر و هەرکەسێ قسە دەکەیت، نیوەی وشەکانی عەرەبی و بیانین، لەماڵەوە هەر تیڤییەک دەکەیتەوە ئەڵقەی عەرەبی و تورکییە، خوا هەڵناگرێ کەناڵە ئیسلامییەکان بە بەردەوام کولتوری شیعەگەری ئێرانیمان بۆ دەکەنە کوردی. جارجاریش ڕیکلامی ماستی تورکی و ئێرانی بەکوردی دەبینم لە کەناڵە ناوخۆییەکانی هەولێر! وەرە شارەکەت بە ماست بەناوبانگ بێت و تیڤییەکانی ڕیکلام بۆ ماستی تورک و فارسان بکات !

رۆژی جیهانی بەرەنگاربوونەوەی توندوتیژی دژی ژنان


نا بۆ توندوتیژی دژی ژنان
نا بۆ بازرگانی هەندێک پیاو و ژنی گەندەڵ بەناوی فیمینیستی و مافی ژنانەوە !
نا بۆ دووبارەبوونەوەی چەند دەموچاوێک ( کە هەندێکیان ژنکوژ و لەشکڕی هەمیشەیین و
رۆژانە مافی ژنان بنپێ دەکەن )لە هەموو بۆنەیەکی تایبەت بەژنان !
بەڵێ بۆ مافی مرۆڤ
مێژووی یادی بەرەنگاربوونەوەی توندوتیژی دژبه ئافره‌تان له چیه‌وه‌ هاتووه‌؟
له‌ساڵی 1960 حاكمی ویلایه‌تی دۆمنیكان كه‌ناوی رافائیل ترۆخیلۆ بوو، سێ‌ چالاكوانی ئافره‌تی به‌شێوه‌كی درندانه‌ كوشت به‌بیانوی تێكدانی ئاسایشی وڵات، كه‌ هه‌رسێكیان خوشك بوون.
بۆ ئه‌و مه‌به‌سته‌ كۆمه‌ڵه‌ی گشتی نه‌ته‌وه‌ یه‌كگرتووه‌كان له‌ساڵی 1999 به‌شێوه‌یه‌كی فه‌رمی بریاریدا رۆژی 25/11ی هه‌مووساڵیك له‌سه‌رتاسه‌ری جیهاندا وه‌ك رۆژێك بۆ به‌ره‌نگاربوونه‌وه‌ی توندوتیژی دژ به ‌ئافره‌تان یادیان بكرێته‌وه‌.
سەرچاوەی مێژووی ئەو رۆژە: لاپەڕەی بەڕێز ئاری رەفیق لە فەیسبووک

مەترسییەکانی یاسای رێکخستنی خۆپیشاندان


هەڤاڵ نەژاد
ئامانجی دانانی یاسا بۆ رێخکستنی ژیانی مرۆڤە و یەکێکە لە هەنگاوە مەزنەکانی پێشکەوتنی مرۆڤایەتی. بەشێوەیەک ژیانی مرۆڤی لە بەرەڵایی و بێسەروبەرییەوە گۆڕی بۆ ژیانێکی رێکخراو و دیاریکردنی ئەرک و مافەکانی مرۆڤ و پارێزگاری لەو مافانە.
یاساش وەک هەموو داهێنراوەکانی مرۆڤایەتی لایەنی ئەرێنی و نەرێنی هەیە و دەتوانرێ لەبری ئەوەی لەخزمەتی مافەکانی مرۆڤدابێت، ببێتە هۆکارێک بۆ بەرتەسکردنەوەی ئەرک و مافەکانی مرۆڤ و لەقاڵبدانی ئازادییەکانی و تاڕادەی لێسەندنەوەی ئەو ئازادییە. مێژووی یاسا و کۆمەڵگەی مرۆڤایەتی پڕن لەو جۆرە یاسایانە کە بوونە دەردی سەری و ناخۆشی بۆ کۆمەڵگاکان.

کەسنەزان: وۆرکشۆپێک دەربارەی کاراکردنی رۆڵی گەنج لە بەرەنگاربوونەوەی گەندەڵی



ئێوارەی ئەمڕۆ ٢٣-١٠-٢٠١٠ رێکخروی RI و ناوەندی ئایندە بۆ پرسەکانی گەنج ، وۆرکشۆپێکیان دەربارەی کاراکردنی رۆڵی گەنج لە بەرەنگاربوونەوەی گەندەڵی بۆ ژمارەیەک گەنجی شارۆچکەی کەسنەزان بەرێوەبرد.
وۆرکشۆپەکە لە هۆڵی سەنتەری رۆشنبیری کەسنەزان ، لەلایەن سەنتەری راوێژکاری یاسایی و مافەکانی مرۆڤ لە رێکخراوی فریاگوزاری نێودەوڵەتی RI ، بەهاوکاری ناوەندی ئایندە بۆ پرسەکانی گەنج بەرێوەچوو.

بەشداری هەڤاڵ لە ۆرکشۆپێکی دوو رۆژە دەربارەی ئەدڤۆکەسی و میدیای کۆمەڵایەتی



رێکخراوی ئاراستە بۆ چالاکی مەدەنی ، کە رێکخراوێکی کۆمەڵی مەدەنیە ، بەهاوکاری رێکخراوی ئایرێکسی ئەمریکی (IREX)  ۆرکشۆپێکی دوو رۆژە لەبواری ئەدڤۆکەسی و میدیای کۆمەڵایەتی (  advocacy and Social med) بۆ ژمارەیەک رۆژنامەوان و چالاکی کۆمەڵی مەدەنی بەرێوەبرد.
ۆرکشۆپەکە دوو رۆژێ خایاند لە ١٢-١٣-١٠-٢٠١٠ بەرێوەچوو ، لە هۆڵی رێکخراوی ئاراستە لە شاری هەولێر.

هه‌ڤاڵ نه‌ژاد بۆ چاوی خەڵک : ئه‌وبڕه‌ پاره‌یه‌ی كه‌ وه‌كو سولفه‌ی هاوسەرگیری دابینكراوه‌ بڕێكی كه‌مه‌و پێویستی گه‌نج پرناكاته‌وه‌


كامه‌ران په‌شێو 
له‌گه‌ڵئه‌وه‌ی پێشینه‌ی هاوسه‌رگیری ته‌نها گه‌نجانی كارمه‌ند ده‌گرێته‌وه‌، كه‌چی ئه‌وان هێما بۆئه‌وه‌ده‌كه‌ن كه‌بڕی ئه‌و پێشینه‌یه‌ كه‌مه‌‌و پێداویستی پرۆسه‌ی هاوسه‌رگیری دابینناكات، هه‌رچه‌نده‌ په‌رله‌مانتارێكی كۆمه‌ڵی ئیسلامی رایده‌گه‌یه‌نێت كه‌پرۆژه‌ یاسایه‌كیان بۆ زیادكردنی داناوه‌، به‌ڵام په‌رله‌مانتارێكی هاوپه‌یمانی پێیوانییه‌ ئه‌و پرۆژه‌یه‌ سه‌ربگرێت... 

لە شار و وڵاتی خۆمان ، خەریکە دەبینە بێگانە


ئەمشەو چەند هاورێیەکی زانکۆ بریاریاندا بچینە ئەکوا پارکی هەولێر ، لەوێ رێستورانتەکە ناوی ئەستەنبوڵ بوو ! زۆربەی شاگردەکانی عەرەبن! گۆرانی حوسام رەسامیان خستبووە سەر کە دایمە خەریکی باوکەڕۆیە بۆ خاکی عێراق و ئومەی عەرەبی، جگە لەوەش بۆ نێرگەلەیەک و چەند شەربەتێک ٥٦ هەزار دیناریان لێسەندین .. هەموو شوینێک بۆتە عەرەبی و تورکی.. پاس، تەکسی،دوکان،مۆڵ، کافتریا و رێستۆرانت... وای لێهاتووە لەو شوێنانە خۆمان بەبێگانە بزانین!!
هەڤاڵانیشم ئەم سەرنجانەیان نوسی :

هه‌ڤال نه‌ژاد: " هەرچوارپارچەی نیشتیمان ئه‌ی ره‌قیب بە سرودی خۆیانی دەزانن


ساقی بارزانی: سرودی ئه‌ی ڕه‌قیب، به بێ هیچ ده‌مارگیرییه‌كی ئایینی یان نه‌ته‌وه‌یی، سرودێكی نیشتمانییه.
به‌دره‌دین ساڵح: عه‌لی باپیریش ده‌بێ به‌ بۆچوونی خۆیدا بچێته‌وه‌ ئه‌گه‌ر خۆی به‌ ئیماندار ده‌زانێ"

جەمال نەجاڕی
ماویه‌ک به‌ر له‌ئێستا له‌ دیمانه‌یه‌کدا له‌گه‌ڵ سایتی حزبه‌که‌ی "کۆمه‌ڵنیوز" دا مامۆستا عه‌لی باپیر ئەمیری كۆمەڵی ئیسلامی سوكایەتی بە سروودی نەتەوەیی كورد "ئه‌ی ره‌قیب" کرد و بە موڵكی پارتی و یەكێتی له‌قه‌ڵه‌مدا، وه‌ک دژکرده‌وه‌یه‌ک له‌ هه‌مبه‌ر ئه‌و قسانه‌ی ئه‌میری کۆمه‌ڵی ئیسلامی به‌شێک له‌ رۆشنبیران و رۆژنامەنووسانی کوردستان ئەو لێدوانەی ئەمیری كۆمەڵی ئیسلامیان ئیدانە کرد و رایانگه‌یاند: عه‌لی باپیر دەبێت داوای لێبووردن لە میللەتی كورد بكات.
 

هەڤاڵ نەژاد لە بەرنامەیەکی رادیۆیی تایبەت بە پرۆژە یاسای کاری رێکخراوەیی


 رادیۆی هەولێر ، دەنگی مەڵبەندی ٣ ی یەکێتی نیشتمانی کوردستان بەرنامەیەکی راستەوخۆی دەربارەی پرۆژە یاسای کاری رێکخراوەیی پێشکەش کرد و تێیدا هەڤاڵ نەژاد بەرپرسی راگەیاندن و پەیوەندیەکانی ناوەندی ئایندە میوان بوو.
سەرەتا پێشکەشکاری بەرنامەکە پرسیاری دەربارەی ئەو پرۆژە یاسا و پێشنیارانە کرد کە لە لایەن ناوەندی ئایندەوە لە کۆنفرانسێکدا خرانە روو ، لە وەڵامدا هەڤاڵ نەژاد تیشکی خستە سەر کارو چالاکیەکانی ناوەندی ئایندە لەو بوارەوە کە بریتیبوون لە ئەنجامدانی کۆبوونەوە لەگەڵ رێکخراوەکانی هەرسێ پارێزگا بۆ ئەو مەبەستە و دواتر کۆکردنەوەی نزیکەی ٨٠ رێکخراو لە کۆنفرانسێکی هەرێمایەتیدا و کۆکردنەوەی سەرنج و پیشنیاری رێکخراوەکان لەسەر ئەو پرۆژە یاسایەی لەلایەن حکومەتەوە ئامادە کراوە.

ۆرکشۆپێک ده‌رباره‌ی کاری دروستکردنی تۆری هه‌ماهه‌نگی له‌ نێوان رێکخراوه‌کان


 رێکخراوی په‌ره‌پێدانی دیموکراسیه‌ت ۆرکشۆپێک ده‌رباره‌ی کاری دروستکردنی تۆری هه‌ماهه‌نگی له‌ نێوان رێکخراوه‌کان بۆ ژماره‌یه‌ک نوێنه‌ری رێکخراوه‌کانی کۆمه‌ڵی مه‌ده‌نی ده‌کاته‌وه‌.
ۆرکشۆپه‌که‌ ئێواره‌ی ئه‌مرۆ 7-7-2010 له‌ هۆڵی ئۆفیسی رێکخراوی په‌ره‌پێدانی دیموکراسیه‌ت له‌ لایه‌ن راهێنه‌ر نه‌زار جه‌میل به‌رێوه‌چوو.
له‌و ۆرکشۆپه‌دا باسی چۆنیه‌تی دروستکردنی تۆربه‌ندی کرا و تێیدا بنه‌ماکانی کاری تۆربه‌ندی و جۆره‌کانی تۆربه‌ندی شیکرایه‌وه‌ ، هه‌روه‌ها باسی کارکردن به‌شێوه‌ی تۆربه‌ندی کرا و سوده‌کانی خرایه‌ روو ، دواتر رێستێک وه‌رگیرا.
پاشان له‌ درێژه‌ی ۆرکشۆپه‌که‌دا باسی تۆربه‌ندیه‌ سه‌رکه‌وتووه‌کان کراو هه‌روه‌ها له‌ لایه‌ن هه‌ڤاڵ نه‌ژاد نوێنه‌ری ناوه‌ندی ئاینده‌وه‌ باسی تۆربه‌ندیه‌کانی ناوه‌ندی ئاینده‌ کرا که‌ پێکهاتبوون له‌ 1- هه‌ڵمه‌تی گه‌نجانی 25 ساڵ 2- لیژنه‌ی پاڵپشتی کاندیدی گه‌نج بۆ په‌رله‌مان 3- سندوقی هاوکاری گه‌نجان 4- که‌مپینی کۆمه‌ک ، که‌ ناوه‌ندی ئاینده‌ به‌ شیوه‌ی تۆربه‌ندی و به‌شداری پێکردنی رێکخراوه‌کانی دیکه‌ی کۆمه‌ڵگه‌ی مه‌ده‌نی ئه‌نجامی داوه‌و خۆشبه‌ختانه‌ تێیاندا سه‌رکه‌توو بووه‌.

سەیران و رەخنە



پێنج شەممە و هەینی چووین بۆ دەڤەری هەورامان ( ئەحمەد ئاوا "ئەحماوا" و زەڵم )، یەکەم جارم بوو بچمە ئەو دەڤەرە ، شوێنێکی زۆر خۆش و سەرنجراکێشە.
ئەمەم لەسەر لاپەرەی فەیس بووکەکەم دانا ، هاوڕێیەکم بۆی نوسیبووم (بەخۆشی بێت ، ئەی رەخنەکانت کوا ، هەر بینین بوو) ؟
منیش بۆم نوسیه‌وه،‌ وەک هەموو شوێنەکانی تر خزمەتگوزاری کەم و رێگەوبانی ناخۆش و نەبوونی پارکی ئۆتۆمبێل کە بەهۆی ئەوەی ئۆتۆمبێلەکەمان لە سەرەوە راگرتبوو تا ئێوارە نەمان توانی دەرچین ، بۆیە ئەوانەم نەنوسی چونکە ئەوەی چوبێتە سەیرانگاکان دەزانێت چەند حاڵیان شڕە.

لێدوانی هەڤاڵ بۆ ماڵپەڕی وارڤین: خولی كچی سەركردە كرایەوە



وارڤین_تایبەت: رۆژی شەممە 26ـی حوزەیران، لەشاری هەولێر رێكخراوی ئایندە بۆ پرسەكانی گەنج خوولێكی حەفت رۆژی بۆ پازدە كچی دەرچووی پەیمانگەو زانكۆكان كردەوە، لە ژێر ناونیشانی خوولی كچی سەركردە.
رۆژی شەممە 26_6_2010، رێكخراوی ئایندە بۆ پرسەكانی گەنج، لەشاری هەولێر خولێكی بۆ كۆمەڵێك كچی دەرچووی زانكۆو پەیمانگەكان كردەوە، لە ژێر ناونیشانی خولی كچی سەركردە، لەو بارەیەوە بەرپرسی بەشی راگەیاندن لە رێكخراوی ئایندە هەڤاڵ نەژاد، لە لێدوانێكدا بۆ وارڤین رایگەیاند: ".
 

رۆژنامه‌یه‌کی ده‌سه‌ڵات ده‌ڵێت : گوند نشینه‌کانی هه‌رێم، باجی هێرشی په‌كه‌كه‌ ده‌ده‌ن !



گوندنشینه‌كانی هه‌رێم، باجی هێرشی په‌كه‌كه‌ ده‌ده‌ن !.... ئەمە مانشێتێکی کوردستانی نوێ یە ............ من بەم دوعا بێتامە و دوعا بێتامەکانی تری سیاسەتپیشەکانی کورد ناڵێم ئامین و دەڵێم ژەهری مار، ئێوە چ دەڵێن ؟؟
من له‌ لاپه‌ره‌که‌م له‌ فه‌یس بووک ئه‌مه‌م دانا و چه‌ند به‌رێزێکیش سه‌رنجی خۆیان خسته‌ روو .....

رونكردنه‌وه‌یه‌ك له‌ رۆژنامه‌نووسانی هه‌ولێر


سه‌باره‌ت به‌ وه‌ڵام نه‌دانه‌وه‌ی به‌رپرسانی حكومی و ده‌زگا ئه‌منییه‌كان له‌ هه‌ولێر

 هاونیشتیمانیانی ئازادیخواز
ئێمه‌ وه‌ك به‌شێك له‌رۆژنامه‌نووسانی هه‌ولێر، چه‌ند رۆژێك پێش چله‌ی شه‌هیدی رۆژنامه‌نووس سه‌رده‌شت عوسمان، داوامانكرد كه‌ له‌ رۆژی چله‌ی شه‌هید سه‌رده‌شتدا، ئه‌نجامی لێكۆڵینه‌وه‌كان ئاشكرا بكرێت، یان هۆكاره‌كه‌ی بخرێته‌ روو، هاوكات له‌سه‌ر هه‌وڵه‌ مه‌ده‌نییه‌كانیشمان به‌رده‌وام بووین و داوای دیداری راسته‌وخۆی به‌رپرسانی ده‌سه‌ڵاتی جێبه‌جێ‌ كردنمان كرد، بۆ ئه‌وه‌ی له‌ نزیكه‌وه‌ داوای روونكردنه‌وه‌ی پێویستییان لێبكه‌ین وگوێبیستی وه‌ڵام و روونكردنه‌وه‌كانییان بین، بۆیه‌ به‌پێویستمان زانی له‌ رێگه‌ی راوێژكاری سیاسی دكتۆر به‌رهه‌م ئه‌حمه‌د ساڵحه‌وه‌ داوای دیداری سه‌رۆكی حكومه‌تمان كرد،

ئەوه‌ رێکەوتنامە ستراتیژیەکەتان بوو ؟


 ئەگەر کەمێک لە بارودۆخی نێوخۆی ئەم یەک دوو ساڵەی پارتی و یەکێتی رابمێنین ، دەبینین گرنگترین باسێک کە سەرکردایەتی ئەو دووپارتە لە راگەیاندن وروژاندبێتیان ئەوەبووە کە جگە لەبارزانی و تاڵەبانی کەسی دیکە ئاگاداری ئەم رێککەوتنامەیە نەبووە ، بەتایبەت سەرکردایەتی یەكێتی بەهۆی بارودۆخی نالەباری پارتەکەیان زێدەتر ئاماژەیان بەم پرسە کردووە و رەخنەیان لەم رێککەوتنامە شاراوەیە گرتووە .

راوێژکارێکی وه‌زیری ده‌ره‌وی ئه‌مریکا سه‌ردانی ناوه‌ندی ئاینده‌ ده‌کات


دوانیوه‌رۆی ئه‌مرۆ چوارشه‌ممه‌ 9-6-2010 فه‌ره‌ح پاندیس ، نوێنه‌ری تایبه‌تی هیلاری کلینتۆن بۆ کۆمه‌ڵگه‌ مسوڵمانه‌کان و راوێژکاری وه‌زیری ده‌ره‌وه‌ی ئه‌مریکا بۆ وڵاتانی مسوڵمان به‌یاوه‌ری شاندێکی باڵای وه‌زاره‌تی ده‌ره‌وه‌و باڵیۆزخانه‌ی ئه‌مریکا ، سه‌ردانی ناوه‌ندی ئاینده‌ بۆ پرسه‌کانی گه‌نجی کرد.

29 December 2010

لە ناو پەرلەمانی کوردستان تیرۆریان کردین


وەک ئەرکێکی مرۆڤایەتی و رەوشتی بەرامبەر خوێنی سەردەشتی هاوکارمان، رۆژنامەنووسانی هەولێر بریارماندا دژی شەهیدکردنی سەردەشت عوسمان، خۆپیشاندانێک بۆ بەردەم پەرلەمانی کوردستان ساز بکەین و، داوای ئاشکراکردنی بکەرانی ئەو تیرۆرە بکەین. رۆژی دووشەممەمان هەڵبژارد لەگەڵ خوێندکارانی زانکۆ تاوەکو خۆپیشاندانەکە فراوانتر بێت، بۆ ئەو مەبەستەش بەردەمی کۆلیژی ئەدەبیاتی زانکۆی (سەڵاحەیدن)مان وەک خاڵی دەستپێک دیاری کرد.

مەرگی ئەستێرە مزگێنی هەڵاتنی خۆرە


هه‌ولێر ، له‌ سێداره‌دانی کوردانی رۆژهه‌ڵات ئیدانه‌ کرا
دوانیوه‌رۆی ئه‌مڕۆ له‌ پارکی شاناده‌ری هه‌ولێر سه‌دان که‌س بۆ شه‌رمه‌زارکردنی له‌ سێداره‌دانی پێنج که‌س له‌ چالاکانی مه‌ده‌نی و سیاسی رۆژهه‌ڵاتی کوردستان کۆبوونه‌وه‌یه‌کی ناره‌زایه‌تیان ئه‌نجامدا و داوایان له‌ خه‌ڵکی رۆژهه‌ڵات کرد رۆژی 11 مانگ بکه‌نه‌ رۆژی ماته‌مینی و نه‌چنه‌ سه‌ر کار و دوکانه‌کانیان دابخه‌ن.
له‌ کۆبوونه‌وه‌که‌دا ژماره‌یه‌کی زۆر له‌ چالاکانی سیاسی و مه‌ده‌نی رۆژهه‌ڵات و باشوری کوردستان و ژماره‌یه‌ک رۆژنامه‌وان و مامۆستای زانکۆ و رۆشنبیر به‌شداریان کرد .

ئەمرۆ خۆپیشاندانێکمان ئەنجامدا بۆ بەردەم پەرلەمان دژی تیرۆرکردنی رۆژنامەنووس سەردەشت عوسمان


ئەمرۆ خۆپیشاندانێکمان ئەنجامدا بۆ بەردەم پەرلەمان بەرامبەر تیرۆرکردنی رۆژنامەنووس سەردەشت عوسمان، بریاربوو رۆژنامەوانەکان لەبەردەم کۆلیژی ئەدەبیاتەوە برۆین ، بەڵام ژمارەی ئەو رۆژنامەوانانەی لەوێ ئامادەبووین لە پەنجەکانی دەست تێپەری نەدەکرد و هەندیک رۆژنامەنووس خۆیان هاتبوونە پەرلەمان، دواتر لە بەردەم پەرلەمان و لە ناو هۆڵی پیشوازی پەرلەمان ، سوکایەتی و بێڕێزیەکی زۆرمان پێکرا لە لایەن کەسانی حیزبی و بەرپرسانی ئاسایشپارێزی پەرلەمان، تەنانەت کار گەیشتە ئەوەی جوێنی ناشرین بە خانەوادەی هاوکارێکمان گوترا ، بەو هۆیەوە پەرلەمانتار عەدنان عوسمان هەڵویستێکی جوانی نواند بۆ بەرگری لە رۆژنامەوانان و تەنانەت سوکایەتیشیان بەو کرد ، بەو هۆیەشەوە پەرلەمانتاران نارەزاییان دەربری داویان کرد ئەو بەرپرسە ئاسایشپارێزە دەربکرێ ، بەهەر حاڵ ئێمە وەک رۆژنامەنووسان یاداشتی خۆمان دایە سەرۆکی پەرلەمان

ئه‌مرۆ رۆژنامه‌نووسانی هه‌ولێر بۆ شه‌رمه‌زارکردن و دروستکردنی لیژنه‌یه‌ک بۆ به‌دواداچوونی تیرۆری شه‌هید سه‌رده‌شت کۆبووینه‌وه‌

هێشتا خوێنی سەردەشت وشک نەبۆتەوە هەرەشەی کوشتن لە دوو رۆژنامەوانی دیکە (هەڵگورد سەمەد و رێبین فەتاح) دەکەن ، بۆ بێدەنگ نەبوون لە خوێنی شەهید سەردەشت و شەهیدە زیندووەکانی دیکە، ئەم دوانیوەڕۆیە لە هەولێر ژمارەیەک رۆژنامەوان و چالاکانی کۆمەڵی مەدەنی و چەند پەرلەمانتارێک لە شەقامی ئیسکان کۆبوینەوە بۆ پرۆستۆکردنی ئەو تاوانە قێزەونە و نوسینی یاداشتێکی نارەزایی و دروستکردنی لیژنەیەک بۆ بەدواداچوونی ئەو تاوانە ، هەروەها بریارماندا رۆژی دووشەممە لەبەردەم کۆلیژی ئەدەبیات ، ئەو شوێنەی سەردەشتی لێ رفێنرا خۆپیشاندانێک بکەین تا بەردەم پەرلەمان و هەموومان (رۆژانامەوانەکان) بە لەزگەی رەش دەممان دابخەین.

جۆره‌کانی دیموکراتی و دیموکراتی کوردی



لە کتێبی مافی مرۆڤ (قۆناغی دووەم بەشی یاسا) لە زانکۆ ، 10 جۆر سیستەمی دیموکراتی باس ئەکات کە زۆربەیان فریان بەسەر دیموکراتیەوە نیە و بەڵکو دوژمنی دیموکراتین ( لەوانە دیموکراتی تاکرەوی و دیموکراتی وێنه‌یی"صوری" و دیموکراتی ئاینی و دیموکراتی ‌تائیفی هتد...) ، ئەمرۆ تاقی کردنەوەمان هەبوو پرسیارێک هاتبووەوە کە داوای ژماردنی ئەم جۆرە دیموکراتیانەی ئەکرد ، منیش جگە لەو جۆرە بەناو دیموکراتیانە دانەیەکی دیکەشم بۆ زیاد کرد ، ئەویش (دیموکراتی کوردی) و لە تەنیشتیەوە نوسیم تایبەت بە کوردستان ، ئاخر ئەو دیموکراتیەی لەمەڕ خۆمان لە دیموکراتی هیچ شوێنێک ناچێ.

مادەی 41 ی یاسای سزادانی عێراقی و تەمبێکردنی ژن !!


ئێوارەی ئەمڕۆ مادەی 41 ی یاسای سزادانی عێراقیمان خوێند. ئه‌و یاسایه‌ باسی بەکارهێنانی ماف دەکات و یەکێک لە مافەکانیش مافی تەمبێکردنی (لێدان) ژنە لە لایەن پیاوەکەیەوە و دەڵێت: (بەکار‌هێنانی ماف بریتیە لە تەمبێکردنی ئافرەت لە لایەن پیاوەکەیەوە، منداڵانی نەوجەوان لە لایەن باوکان  و شاگرد له‌ لایه‌ن وه‌ستاکه‌یه‌وه‌ و...هتد، لە چوارچێوەی ئەوە سنورەی کە شەرع یان یاسا یان داب و نەریت بریاردراوە)
سەیرم لێهات هیچ یەک لە خانمەکانی پۆلەکەمان، بچوکترین لێدوانیان لە سەر ئەو مادەیە نەبوو! له‌ کاتێکدا ئه‌م ئه‌م یاسایه‌ی که‌ مافی ته‌مبێ کردنی داوه‌ به‌ پیاو، به‌ هه‌موو شێوه‌یه‌ک سووکایه‌تییه‌ به‌ ژن و پێشێلکاری مافی ژنه!
لە هەمووی خۆشتر ئەو خانمانە پارێزەری داهاتووی مافی مرۆڤن. خۆش پارێزەر!

له‌ ناوه‌ندی ئاینده‌ ، خولێکی دوو رۆژی له‌سه‌ر به‌رنامه‌ی هاوکاری ئاشتی جیهانی به‌ڕێوه‌چوو



له‌ ئۆفیسی سه‌ره‌کی ناوه‌ندی ئاینده‌ بۆ پرسه‌کانی گه‌نج ، کۆمه‌ڵه‌ی خه‌ڵک بۆ گه‌شه‌پێدان (PDA) خولێکی دوو رۆژه‌ی له‌سه‌ر به‌رنامه‌ی هاوکاری ئاشتی جیهانی ، بۆ ستاف و خۆبه‌خشانی ناوه‌ندی ئاینده‌ کرده‌وه‌.
خوله‌که‌ رۆژانی 11 و 12-4-2010 له‌ هۆڵی ناوه‌ندی ئاینده‌ به‌ڕێوه‌چوو ، تێیدا به‌شێوه‌ی ۆرکشۆپ بابه‌تی به‌رنامه‌ی هاوکاری ئاشتی (HIIP) که‌ به‌رنامه‌یه‌کی جیهانیه‌ ، گوترایه‌وه‌ ، که‌ یه‌که‌م جاره‌ له‌سه‌ر ئاستی کوردستان و ناوچه‌که‌ ئه‌و به‌رنامه‌یه‌ پێشکه‌ش ده‌کرێت.
منیش وه‌ک ستافی ناوه‌ندی ئاینده‌ به‌شداری ئه‌و خوله‌م کرد
ۆرکشۆپه‌کان له‌لایه‌ن راهێنه‌ر ، چرۆ بورهان ، ده‌گوترایه‌وه‌ که‌ هه‌ڵگری بروانامه‌ی دیبلۆم بوو له‌و بواره‌.

بۆ گفتوگۆکردن له‌سه‌ر یاسای کاری رێکخراوه‌یی ناوه‌ندی ئاینده‌ کۆبوونه‌وه‌یه‌ک بۆ ژماره‌یه‌ک رێکخراوی شاری هه‌ولێر ساز ده‌کات



بۆ گفتوگۆکردن له‌سه‌ر یاسای کاری رێکخراوه‌یی ناوه‌ندی ئاینده‌ بۆ پرسه‌کانی گه‌نج کۆبوونه‌وه‌یه‌ک بۆ ژماره‌یه‌ک رێکخراوی مه‌ده‌نی شاری هه‌ولێر ساز ده‌کات.
کۆبوونه‌وه‌که‌ دوانیوه‌ڕۆی ئه‌مڕۆ چوارشه‌ممه 17-3-2010‌ له‌ هۆڵی هوتێل چوارچرا له‌ شاری هه‌ولێر به‌رێوه‌چوو ، تێیدا نزیکه‌ی 20 رێکخراوی شارستانی به‌شداربوون ، سه‌ره‌تا له‌لایه‌ن هێمن فه‌رید کورته‌یه‌ک له‌سه‌ر ئه‌و پرۆژه‌یه‌ باس کراو و دواتر له‌لایه‌ن سیروان عه‌باس پێشنیاری رێکخراوه‌کانی سلێمانی و دهۆکی خوێنرایه‌وه‌ که‌ له‌سه‌ر هه‌مان بابه‌ت هه‌یانبووه‌.

ناوه‌ندی ئاینده‌ کۆبوونه‌وه‌یه‌ک له‌باره‌ی پرۆژه‌ یاسای کاری رێکخراوه‌یی بۆ رێکخراوه‌کانی سلێمانی ساز ده‌کات



به‌ مه‌به‌ستی گفتوگۆکردن له‌سه‌ر پرۆژه‌ یاسای کاری رێکخراوه‌یی له‌ هه‌رێمی کوردستان ، که‌ له‌لایه‌ن تۆڕی مافه‌وه‌ ئاماده‌ کراوه‌ ،  ناوه‌ندی ئاینده‌ بۆ پرسه‌کانی گه‌نج کۆبوونه‌وه‌یه‌کی فراوانی بۆ زیاتر له‌ 20 رێکخراوی شاری سلێمانی ساز کرد.
کۆبوونه‌وه‌که‌ ئه‌مرۆ سێ شه‌ممه‌ 9-4-2010 له‌ هۆڵی رێکخراوی (CDO) ، له‌ شاری سلێمانی به‌رێوه‌چوو ، سه‌ره‌تا له‌ لایه‌ن سیروان عه‌باس سه‌رپه‌رشتیاری ناوه‌نده‌وه‌ تیشک خرایه‌ سه‌ر ئامانجی ئه‌م کۆبوونه‌وه‌ و باسی گرنگی دانانی یاسایه‌کی پێشکه‌وتوو بۆ رێکخستنی کاری رێکخراوه‌کانی مه‌ده‌نی کرد.

ژن و ناسیۆنالیزم : گفتوگۆ له‌ نێوان هه‌ڤاڵ و خاتوونی هێژا ئه‌ڤین ئیبراهیم فه‌تاح



ئه‌م گفتوگۆیه‌ی به‌رده‌ستان له‌ئه‌نجامی نوسینی وتارێکی به‌رێز ئه‌ڤین ئیبراهیم فه‌تاح ، به‌ناوی (ژن و ناسیۆنالیزم ، ململانی و سازش) دروست بوو ، دیاره‌ ده‌بێ سوپاسی کاک عه‌باس شوان بکه‌م که‌ بووه‌ هۆی دروست بوونی ئه‌م گفتوگۆیه‌ی ئێمه‌ له‌ ماڵپه‌ری کۆمه‌ڵایه‌تی جیهانی فه‌یس بووک ، بۆ ئه‌وه‌ی خوێنه‌رانی به‌رێزی بڵۆگه‌که‌م ئاگاداری ئه‌م گفتوگۆیه‌ی ئێمه‌ بن و به‌شدار بن له‌و گفتوگۆیه‌ پێم باشبوو له‌ بڵۆگه‌که‌شم بڵاوی بکه‌مه‌وه‌ ، به‌ڵام وا باشه‌ پێش ئه‌وه‌ی گفتگۆکه‌ بخوێننه‌وه‌ ، وتاره‌که‌ی خاتوو ئه‌ڤین بخوێننه‌وه‌ له‌م سه‌رچاوه‌یه‌ (http://knwe.net/Direje.aspx?Jimare=1725&Cor=2&Besh=Witar )
 

هەڤاڵ نەژاد: پرۆژه‌ی سندوقی هاوکاری گه‌نجانمان بۆ نه‌هێشتنی بێکاری ئاماده‌ کردووه‌



ئاماژه‌ : ئه‌م دیداره‌ پێشتر له‌ رێگه‌ی دانانی لینکی سه‌رچاوه‌که‌ سه‌ره‌کیه‌که‌ی و به‌ فایلی (PDF) بڵاوم کردبووه‌وه‌ ئیستاش به‌ شیوه‌ی ۆرد بڵاوی ده‌که‌مه‌وه‌
هه‌ڵسوراو و چالاکی بواری لاوان هه‌ڤاڵ نه‌ژاد  1989 له‌ له‌دایک بووه‌ ، له‌ته‌مه‌نی 13 ساڵیه‌وه‌ ده‌ستی به‌نووسین کردووه‌ ، له‌ چه‌ندین ڕۆژنامه‌و گۆڤار و ماڵپه‌ر وه‌ک سه‌رنوسه‌ر و ده‌سته‌ی نوسه‌ران و ڕۆژنامه‌وان کاری کردووه‌ ، ده‌سته‌ی دامه‌زرێنه‌ر و ده‌سته‌ی کارگێری‌ ناوه‌ندی ئاینده‌ بۆ پرسه‌کانی گه‌نجه‌ ، و به‌رپرسی  ڕاگه‌یاندن و په‌یوه‌ندیه‌کانی ئه‌و ڕێکخراوه‌یه‌, هه‌روه‌ها خوێندکاری کۆلیژی یاسایه‌ ( قانون).

كورد ئه‌و نه‌ته‌وه‌یه‌ی به‌قه‌ده‌ر مارادۆنا به‌لای (یو ئێن)ـه‌وه‌ مافی نه‌بووه‌ ؟!



تێبینی : ئه‌مه‌ وتارێکی کۆنه‌ ، به‌ڵام ئێستاش که‌ڵکی بڵاوکردنه‌وه‌ی هه‌یه‌
كاتێك ئه‌و هه‌واڵه‌ی ژماره‌ی (11) ڕووداوم خوێنده‌وه‌, كه‌باس له‌قه‌ره‌بوو وه‌رگرتنه‌وه‌ی یاریزانی ئه‌رژه‌نتینی مارادۆنا له‌عێراق ده‌كات توشی شۆك بووم, له‌كاتێكدا گه‌لی كورد له‌به‌رامبه‌ر ئه‌و هه‌موو تاوانه‌ نامرۆڤانانه‌ی له‌لایه‌ن عێراقه‌وه‌ لێیكراوه‌, نه‌ك هه‌رباسی قه‌ره‌بوو كردنه‌وه‌ی نه‌كراوه‌ تائێستا به‌ڵكو زۆرجار نكۆڵیشی لێده‌كه‌ن‌و خۆم چه‌ندجار خوێندومه‌ته‌وه‌ كه‌ وتویانه‌ هه‌ڵه‌بجه‌ ئیران گازبارانی كردووه‌.

هه‌ڤاڵ نه‌ژاد ، به‌رپرسی ڕاگه‌یاندنی ناوه‌ندی ئاینده‌ : پاڵپشتی هیچ لیست وقه‌واره‌یه‌ك ناكه‌ین


بیلال سه‌عید ــــ هه‌ولێر
به‌رپرسێكی ناوه‌ندی ئاینده‌ ڕه‌دی ئه‌كاته‌وه‌ كه‌ ناوه‌نده‌كه‌یان پاڵپشتی هیچ ولیست وحیزب وكیانێكی سیاسی كردبێت وڕای ئه‌گه‌یه‌نی هه‌ر كه‌سێك به‌ڵگه‌ و دوكومینیتی لایه‌ با بڵاویبكاته‌وه‌.
هه‌ڤاڵ نه‌ژاد، به‌رپرسی راگه‌یاندن و په‌یوه‌ندیه‌كانی ناوه‌ندی ئاینده‌ بۆ پرسه‌كانی گه‌نج به‌سایتی یه‌كگرتووی ڕاگه‌یاند تۆمه‌تی بێ بنه‌ما و بێ به‌ڵگه‌ ده‌خه‌نه‌ پاڵ ناوه‌ندی ئاینده‌ و ستافه‌كه‌ی و هه‌ر جاره‌ی تۆمه‌تی لایه‌نێكی سیاسیمان ده‌خه‌نه‌ پاڵ و رۆژێك به‌ یه‌كێتی و رۆژێك به‌ پاراستن و رۆژێك به‌ گۆران.

21-2-2010 رۆژی نێودەوڵەتی زمانی دایک



21-2-2010 
رۆژی نێودەوڵەتی زمانی دایکە .............پێویستە رێگە بە هەموو (مرۆڤێک) نەتەوەیەک بدرێت بە زمانی دایکی خۆیان بخوێنن و بنوسن و بدوێن ، چونکە ئەمە یەکێکە لە مافە سادەکانی هەر مرۆڤێک ....... لێرەوە داوا لە هەموو لایەک دەکەم ، تێبکۆشین بۆ ئەوەی زمانی کوردی لە هەرسێ پارچەکەی دیکەی نیشتمان بکرێتە زمانێکی فەرمی و هاونیشتمانیەکانمان لەو پارچانە ئەو مافە سادەیەی خۆیان بەکاربێنن کە تا ئێستا لێیان حەرام کراوە بە تایبەت لە باکور و رۆژئاوا.
بۆ زانیاری زیاتر له‌سه‌ر رۆژی نێوده‌وڵه‌تی زمانی دایک سه‌ردانی ئه‌م لینکه‌ بکه‌ :

بۆ پاڵپشتی کردن له‌ سندوقی هاوکاری گه‌نجان، ناوه‌ندی ئاینده‌ مینی کۆنفرانسێک بۆ رێکخراوه‌کانی‌ سلێمانی ئه‌نجام ده‌دات


بۆ پاڵپشتی کردن له‌ سندوقی هاوکاری گه‌نجان، ناوه‌ندی ئاینده‌ بۆ پرسه‌کانی گه‌نج مینی کۆنفرانسێک بۆ رێکخراوه‌کانی کۆمه‌ڵگه‌ی شارستانی شاری‌ سلێمانی ئه‌نجام ده‌دات .
کاتژمێر 2 ی دوانیوه‌رۆی ئه‌مڕۆ چوارشه‌ممه‌ 17-2-2010 ، ناوه‌ندی ئاینده‌ بۆ پرسه‌کانی گه‌نج مینی کۆنفرانسێک بۆ پاڵپشتی کردن له‌ پرۆژه‌ی سندوقی هاوکاری گه‌نجان بۆ 20 رێکخراوی شاری سلێمانی له‌ هۆڵی رێکخراوی (CDO) شاری سلێمانی ئه‌نجام دا.

گه‌لۆ رەواندز گوندە یا شار ؟!


ئەوەی لە دنیای راگەیاندنی کوردی کاری نەکردبێت نازانێت چەندە دنیایەکی بێ سەروبەرو چەند بێ خاوەنە، کابرا  کاری ده‌ست ناکه‌وێت کاک فڵان ئیمتیازی رۆژنامه‌ یان گۆڤارێکی بۆ وه‌رده‌گرێت و بڕێک پاره‌ بۆ خۆیی و بۆ ئه‌و وه‌رده‌گرێت و ده‌یکاته‌ ڕۆژنامه‌نووس ، وای لێهاتووه‌ هه‌رچی بێ کاره‌ ده‌بێته‌ ڕۆژنامه‌نووس، کابرا تا دوێنی کاری نه‌بووه‌ یا هه‌ڵه‌چن و تایپێست بووه‌ ، ئه‌مڕۆ ده‌بێته‌ سکرتێر و به‌ڕێوه‌به‌ری نووسین و حه‌وت باز به‌ پشت تۆدا ئه‌دات و باسی ڕۆژنامه‌وانیشی له‌گه‌ڵ بکه‌یت ئه‌تکا به‌کێواو که‌سێ نه‌زانێ ئه‌و ڕۆژنامه‌ی داهێناوه‌ ، ئه‌م دونیا بێ سه‌رووبه‌ره‌ چەندە ڕەخنەی لێبگری و چەند لەسەری بدوێی وەک هەویر وایەو ئاوی زیاتر دەکێشێ.

دیمانه‌ی ئاکانیوز له‌گه‌ڵ هه‌ڤاڵ نه‌ژاد سه‌باره‌ت به‌ پرۆژه‌ی سندوقی هاوکاری گه‌نجان



پرۆژەی سیپەی هاوكاریی گەنج پێشكێشی پەرلەمانی كوردستان دەكرێت
ئامادەکردنی: خەبات نەوزاد
پرۆژەیاسایەك بۆ پشتیوانیكردنی پرۆژە بچووكەكانی ئەو لاوانەی داهاتی دیاریكراویان نییە و لە هیچ دەزگەیەكی حكوومەتی دانەمەزراون لە سەروبەندی گەیاندنیدایە بۆ پەرلەمانی كوردستان
هەڤاڵ نەژاد بەرپرسی راگەیاند و پێوەندییەكانی رێكخراوی ناوەندی ئایندە بۆ پرسەكانی گەنج بەئاژانسی كوردستان بۆ دەنگوباس (ئاكانیوز)ی ڕاگەیاند پرۆژەكە ناوی "سیپەی هاوكاریی گەنجان"ە و مەبەست لێی كۆمەكی ئەو گەنجانەیە كە توانای كاریان هەیە و پێویستیان بەكۆمەككردن هەیە تا لە پرۆژەی جیاجیادا وەگەڕی خەن.

تا ماڵ بیه‌وێت بۆ مزگه‌وت حه‌رامه‌



 نزیكه‌ی سه‌د هه‌زار دۆلار له‌لایه‌ن هه‌رێمی كوردستانه‌وه‌، بۆ لێقه‌وماوانی هایتی ره‌وانه‌ ده‌كرێت
به‌گوێره‌ی هه‌واڵێکی ئاژانسی ده‌نگوباسی په‌یامنێر ،كه‌مپینی پاڵپشتی له‌ قوربانیانی كاره‌ساتی وڵاتی هایتی له‌هه‌رێمی كوردستان به‌رده‌وامن له‌ كۆكردنه‌وه‌ی كۆمه‌ك و پیتاك بۆ لێقه‌وماناوانی ئه‌م وڵاته‌ و تا ئێستا نزیكه‌ی (100) هه‌زار دۆلار كۆمه‌كیان كۆكردتۆته‌وه‌، بڕیاره‌ نوسینگه‌ی نه‌ته‌وه‌ یه‌كگرتووه‌كان له‌شاری هه‌ولێر ئه‌م كۆمه‌كه‌ بگه‌ێنێته‌ ئه‌م وڵاته‌.

دیداری رۆژنامه‌ی ئاڵای ئازادی له‌گه‌ڵ هه‌ڤاڵ نه‌ژاد


ئەم لینکەی به‌رده‌ستان دیدارێکی رۆژنامەی ئاڵای ئازادیە، کە لەگەڵ من ئەنجامیانداوە دەربارەی ڕێکخراوەکەمان ناوەندی ئایندە بۆ پرسەکانی گەنج و چه‌ند پرسێکی په‌یوه‌ندیدار به‌ ڕێکخراوەکانی دیکەی گەنجان
هه‌وڵ ده‌ده‌م له‌ داهاتوودا به‌ شێوه‌ی ۆرد لێره‌دا بڵاوی بکه‌مه‌وه‌ 

سه‌رۆکی حکومه‌تی هه‌رێمی کوردستان پێشوازی له‌ شاندێکی ناوه‌ندی ئاینده‌ ده‌کات



دوانیوه‌ڕۆی ئه‌مڕۆ دووشه‌ممه‌ 1-2-2010 سه‌رۆکی حکومه‌تی هه‌رێمی کوردستان ، به‌رێز دکتۆر به‌رهه‌م ئه‌حمه‌د ساڵح ، له‌ سه‌رۆکایه‌تی ئه‌نجومه‌نی وه‌زیران پێشوازی کرد له‌ شاندێکی ناوه‌ندی ئاینده‌ بۆ پرسه‌کانی گه‌نج که‌ پێکهاتبوون له‌ سیروان عه‌باس و هێمن فه‌رید و هه‌ڤاڵ نه‌ژاد و نه‌وزاد پیرموسا ، له‌گه‌ڵ 20 گه‌نجی به‌هره‌دار که‌ له‌ بواره‌ جۆراو جۆره‌کاندا له‌ فیستیڤاڵێکدا له‌ 28-12-2009 له‌ لایه‌ن ناوه‌ندی ئاینده‌وه‌ خه‌ڵات کرابوون.

داود باغستانی‌: په‌یوه‌ندی‌ كورد كاتی‌ شۆرشی‌ ئه‌یلول له‌ گه‌ڵ ئیسرائیل لاواز بوو، چونكه‌ ڕاسته‌وخۆ نه‌بوو



په‌یوه‌ندی کوردو ئیسرائیل چ له‌رابردوو چ له‌ئێستا به‌شێوه‌یه‌کی نهێنی و ناروون بووه‌، ئه‌وه‌ی ئاشکرا کراوه‌ له‌و په‌یوه‌نیانه‌ له‌یاداشتی سیاسیه‌کانی ئه‌و سه‌رده‌مه‌وه‌ بووه‌ یاخود له‌ڕێگه‌ی که‌سانی ئیسرائیلیه‌وه‌ بووه‌ که‌ئه‌و ده‌م به‌رپرسی ئه‌و په‌یوه‌ندیه‌ بوون که‌له‌نێوان کورد و ئیسرائیل دا هه‌بووه‌، له‌م دیداره‌ی ستانده‌ر له‌گه‌ڵ داود باغستانی هه‌وڵمان داوه‌ به‌شێوه‌یه‌کی گشتی باس له‌په‌یوه‌ندی کوردو ئیسرائیل بکه‌ین له‌کاتی ئێستادا، هه‌رچه‌نده‌ ئه‌و له‌وه‌ڵامه‌کانیدا جارێ زووه‌و یان ماویه‌تی به‌کار ده‌هێنا به‌ڵام چه‌ند نهێنیه‌ک بۆستانده‌ر باس ده‌کات
دیداری‌ : هه‌ڤاڵ نه‌ژاد 

به‌پێی راپرسیه‌کی ناوه‌ندی ئاینده‌ ، خراپی سیسته‌م سه‌ره‌کیترین کێشه‌ی زانکۆکانی کوردسانه‌



به‌پێی راپرسیه‌کی ناوه‌ندی ئاینده‌ بۆ پرسه‌کانی گه‌نج، که‌ له‌نێو قوتابیان و خوێندکارانی زانکۆ ئه‌نجامداراوه‌ ، خراپی سیسته‌م سه‌ره‌کیترین کێشه‌ی زانکۆکانه‌.
به‌پێی ئه‌نجامی ئه‌و راپرسیه‌ 63،23% خراپی سیسته‌می خوێندن به‌ سه‌ره‌کیترین کێشه‌ی زانکۆ ده‌زانن و  17،15% نه‌بوونی سه‌ربه‌خۆیی زانکۆ به‌ کێشه‌ی سه‌ره‌کی ده‌زانن و 12،74% یش نه‌بوونی کادیری پسپۆر به‌ کێشه‌ی سه‌ره‌کی ده‌زانن و ته‌نها 6،86% پێیان وایه‌ خراپی به‌شه‌ ناوخۆییه‌کان کێشه‌ی سه‌ره‌کیه‌.

من (هه‌ڤاڵ)م نه‌ک هه‌واڵ !


" ئه‌م وتاره‌ دوو ساڵ به‌ر له‌ ئێستا له‌ ماڵپه‌ری رێنێسانس نیوز  نوسراوه‌ ، تێیدا ره‌خنه‌م له‌ خراپی زمانی ئاخاوتنی رۆژهه‌ڵات گرتووه‌ ، به‌ڵام ئه‌مه‌ ئه‌وه‌ ناگه‌یه‌نێ که‌ زمانی ئاخاوتنی باشووریش گه‌لێ باشتر بێت"
کاتێک ئه‌و ووتاره‌ ته‌نز ئامێزه‌ پڕ بایه‌خه‌ی به‌رێز ژیلوان محه‌مه‌دی(مه‌مانیزاسیون و چه‌ند دیمه‌نێک)م خوێنده‌وه له‌ڕێنیسانس، کۆمه‌ڵی یادگاری و بیره‌وه‌ریم له‌مه‌ڕ ئه‌و باسه‌ وه‌بیر هاته‌وه‌ که‌ له ‌شێوه‌ی هه‌مان دیمه‌نه‌کانی کاکه‌ ژیلوان بوون و هه‌ندێکیشیان تایبه‌ت به‌خۆم بوون‌، که‌زۆرم له‌دڵ گران بوو، زۆر جاریش  به‌هۆیانه‌وه‌ ده‌که‌وتمه‌ حاڵه‌تێکی تووڕه‌ییه‌وه‌و نه‌م ده‌توانی به‌سه‌ر خۆمی نه‌هێنم.