14 December 2015

لە هەڵەبجە ڕێزیان لێ ناین

لەگەڵ پارێزگاری هەڵەبجە و هاوڕێیانم

ئەمڕۆ ١٣-١٢-٢٠١٥ لەگەڵ کۆمەڵێک هاوڕێی پارێزەر و دادنووس، لە هەڵەبجە بووین. ڕێکخراوی هەڵەبجە بۆ پەرەپێدانی ڕۆشنگەری کلتوری و مرۆیی بە هاوکاری پارێزگاری هەڵەبجە، لە نێو دیوانی پارێزگا ڕێزیان لێ ناین و خەڵاتی ڕێزلێانیان پێشکەش کردین، بەهۆی ئەوەی لە ڕابردوو کارمان کردووە بۆ پرسی جینۆساید بە گشتی و هەڵەبجەش بە تایبەتی.
لەو مەراسیمەدا وێڕای ڕێکخراوی هەڵەبجە و پارێزگار و جێگری پارێزگاری هەڵەبجە، لقی هەڵەبجەی سەندیکای پارێزەران و مامۆستا ئاوارە حوسێن و ژمارەیەک چالاکی مەدەنی ئەو شارە، بەشداربوون و پێشوازییەکی زۆر گەرمیان لێ کردین.
زۆر سپاس بۆ پێشوازی و میوانداری هەموویان بەبێ جیاوازی، ئەمڕۆ زۆر پێمانەوە ماندوو بوون. هەر بژین و هیوای سەرکەوتنیان بۆ دەخوازم.
من لە ژیانما ئارەزووی ڕێزلێنان و دیاری وەرگرتنم نەبووە و پێم زیادەیە، بەڵام وەرگرتنی هەر شتێک لە هەڵەبجە و ئەنفالەوە بێ، ئەگەر ڕەخنەو گازەندەش بێ لێم، بە شانازیییەوە وەری دەگرم و لەسەر چاومی دادەنێم.

لەگەڵ پارێزەر ئەیاد کاکەیی و مامۆستای زانکۆ ئاوارە حوسێن



0 سەرنج:

Post a Comment