هەڤاڵ نەژاد
بە دروشمی با تواناکانمان یەکبجەین لە پێناو دووبارە نەبوونەوەی تاوانی جینۆساید. سەرلەبەیانی ئەمڕۆ سێ شەممە ٢٣-١٠-٢٠١٢، لە هۆڵی شاری
شەهاب، لە هەولێری پایتەخت، کۆنفڕانسی سێهەمی نووسینگەی باشووری رێکخراوی چاودێری
کوردۆساید، بەڕێوەچوو.
لە کۆنفرانسەکەدا، وتاری کۆنفرانس و وەزیری شەهیدان و
نوێنەری سەرۆکی حکوومەتی هەرێمی کوردستان، خوێندارانەوە. پاشتر راپۆرتی لیژنەکانی
نووسینگەی باشووری چاودێری کوردۆساید، خوێنرانەوە و لەلایەن ئەندامانەوە وتوێژیان
لەسەر کرا.
پاش پشووی نیوەڕۆ، لە بەشی دووەمی کۆنفرانس، بەرنامەی
کاری نووسینگەی چاودێری کوردۆساید، خوێنرایەوە و چەند خاڵێکی دەستکاری کران و چەند
خاڵێکیش لابران، پاشان بە دەنگی زۆرینەی کۆنفرانس بەرنامەکە پەسەند کرا.
لە کۆتاییدا هەڵبژاردنی ئەندامانی دەستەی کارگێڕی نوێ
ئەنجامدرا و حەوت کەس وەک دەستەی کارگێڕی نووسینگەی باشووری چاودێری کوردۆساید،
دەرچوون.
منیش (هەڤاڵ) بەشدار و
ئەندامی ئەو کۆنفرانسە بووم. پیرۆزبایی لە ئەندامانی هەڵبژێرداری دەستەی
کارگێڕی دەکەم و هیوای سەرکەوتنیان بۆ دەخوازم لە کارەکانیاندا.
بۆ بینینی وێنەکان بەگەورەیی، کلیک لەسەر وێنەکان بکە
هەڤاڵ لە کۆنفرانسەکەدا
لەگەڵ چەند هاوڕێیەکدا، کاتی پشوو
0 سەرنج:
Post a Comment