بەیاننامەی ناوەندی ئایندە بۆ پرسەکانی گەنج دەربارەی رەوشی کوردستان

وەک هەموو لایەک ئاگادارن، چەند رۆژێکە بارودۆخی کوردستان بەگشتی و شاری سلێمانی بەتایبەتی، بەشێوەیەکی نەخوازراو پشێوی تێکەوتووەو چەندین قوربانی لێکەوتۆتەوە.

ئێمە لە ناوەندی ئایندە بۆ پرسەکانی گەنج، وێڕای داواکاری پاراستنی سەقامیگری ئارامی کوردستان، پێمانوایە خۆپیشاندان و نارەزایەتی دەربڕین مافێکی سەرەتایی هاوڵاتیانی کوردستانەو نابێت بەهیچ شێوەیەک ئەو مافە لە هاوڵاتیان زەوت بکرێت.

ژمارەیەک رۆژنامەنووسی هەولێر سەردانی گۆڕی سەردەشت عوسمان دەکەن

ئەمڕۆ  ١٤-٢-٢٠١١ هاوڕێ لەگەڵ ژمارەیەک لە دۆستە رۆژنامەنووسەکانمدا سەردانی گۆڕی شەهیدی رۆژنامەنووس، سەردەشت عوسمان- مان کرد و  بنەماڵەی شەهید سەردەشت لە پێشوازیمان بوون. 

ئەم سەردانەی ئێمە کە هاوکات جەژنی نەتەوەیی سێوی مێخەک رێژ و ڤالانتاین بوو، تێیدا چەپکە گوڵمان لەسەر گڵکۆی جوانەمەرگ داناو سێومان مێخەک رێژکرد و لەسەر گڵکۆیەکمان دانا.

با كه‌س جورئه‌ت نه‌كا ده‌ست بۆ تفه‌نگ بەرێت

بەیاننامەی کۆمەڵێک رۆشنبیر و نووسەر و رۆژنامەوان، دەربارەی پشێوی بارودۆخی هەرێمی کوردستان.

دەقی بەیاننامەكە :

لەپاش ئەوەی بزوتنەوەی گۆڕان بەیاننامەیەكی حەوت خاڵی خستە نێو شەقامی هەرێمی كوردستانەوە، هەست بەدۆخێكی زۆر ناتەندروستی سیاسی‌و سەربازی دەكەین، دۆخێك كەهیچی كەمتر نییە لەو دۆخەی كەلەڕۆژگاری شەڕی ناوخۆدا تاكی كوردی تێ‌ سیخناخ درابو‌و، بەچەندین ساڵ دوای ئەوە‌و تاهەنوكەش نەیتوانیوە لەودۆخە دەربچێت، ئەو بارودۆخە لەناكاوەی ئێستای هەرێمی كوردستان‌و، خڕكردنەوەی دەبابەو پێشمەرگە لەشەقامەكانی شاری سلێمانی، بەڕاستی جێگەی نیگەرانییە بۆ ئێمەی نوسەرو ڕۆژنامەنوس‌و ڕۆشنبیران.

كامپین بۆ ئازادكردنی عه‌لی مه‌حمود

به‌ڕێزان ئه‌مڕۆ چالاكوانی سیاسی به‌ڕێز عه‌لی مه‌حمود له‌لایه‌ن پۆلیسی هه‌ولێره‌وه‌ ده‌ستگیركراوه‌ له‌سه‌ر سكاڵای كونسوڵخانه‌ی رژێمی كۆماری سێداره‌ له‌ هه‌ولێر" ئێمه‌ به‌شێوه‌یه‌كی فه‌رمی له‌ پارێزگای هه‌ولێره‌وه‌ مۆڵه‌تی خۆپیشاندانه‌كه‌ی رۆژی 29/1/2011مان وه‌رگرتبوو له‌ دژی شاڵاوه‌كانی له‌ سێداره‌دان له‌ رۆژهه‌ڵاتی كوردستان" ئه‌وه‌بوو خۆپیشاندانه‌كه‌مان سازدا و وتاره‌كانیش هه‌موو روون و ئاشكرابوون" به‌ڵام له‌لایه‌ن بنه‌ماڵه‌ی له‌ سێداره‌دراوان و كۆمه‌ڵێك به‌شداربووی تره‌وه‌ كونسوڵخانه‌كه‌ به‌ردبارانكرا كه‌ ئێمه‌ ئه‌وه‌مان نه‌ده‌ویست به‌ڵكو ویستمان به‌شێوه‌یه‌كی شارستانیانه‌ و مه‌ده‌نیانه‌ ئه‌م ره‌فتاره‌ نامرۆییانه‌ی كۆماری سیداره‌ ریسوا و شه‌رمه‌زاربكه‌ین" ئێستاش كه‌ بۆ ئه‌و مه‌به‌سته‌ هاوكارمان ده‌ستبه‌سه‌ركراوه‌ داوای ده‌ستبه‌جێ ئازادبوونی ده‌كه‌ین و داواش له‌هه‌موو كوردێك ده‌كه‌ین بۆ ئه‌م گیراوانه‌ به‌تایبه‌ت كاك عه‌لی واژۆ بكات... ئێمه‌ هه‌موومان عه‌لی مه‌حمودین.

شێرزاد عومه‌ر مه‌حمود/ سه‌رنووسه‌ری گۆڤاری ئێوه‌

هه‌ڤاڵ نه‌ژاد/ رۆژنامه‌نووس و چالاكوانی مه‌ده‌نی

هێمن مه‌لازاده‌/ رێكخراوی را بۆ پرسه‌ نه‌ته‌وه‌ییه‌كان

ئەخلاقی نەتەوەیی و نیشتمانیتان بەگەشتێک مەفرۆشن!

بەیاننامەی کۆمەڵێک رۆژنامەنووس و نووسەر و رۆشنبیری باشوور و رۆژهەڵاتی کوردستان 

بەگوێرەی هەواڵێکی ماڵپەڕی پەیامنێر کە تێیدا هاتووە" به‌رپرسێکی کونسۆڵخانه‌ی ئێران ئاماژه‌ به‌وه ‌ده‌کات، شاندێکی رۆژنامه‌وانانی کوردستان کە پێکهاتووە لە 33 رۆژنامەوان بانگهێشتی ئێران کراون بۆ بەشداریکردن لە یادی ١٠ فەجر، ساڵرۆژی دامەزراندنی کۆماری ئیسلامی ئێران و به‌مه‌به‌ستی ئاشنابوونی رۆژنامه‌نووسانی کوردستان به دام و ده‌زگا راگه‌یاندنه‌کانی ئه‌م وڵاته. بڕیارە کە شاندەکەی رۆژنامەنووسانی کوردستان ١٠ رۆژ لەوێ بمێننەوە"

دەسیگیرکردنی عەلی مەحمود شەرمەزار دەکەین

هەڤاڵ نەژاد 

ئەمڕۆ چوارشەممە ٢-٢-٢٠١١ ئەندامی رێکخراوی چاودێری کوردۆساید و چالاکی مەدەنی، عەلی مەحمود، ناسراو بە عەلی سیاسی، لە لایەن پۆلیسی هەولێرەوە دەستگیرکرا.

بەگوێرەی زانیارییەکانی ئێمە دەستگیرکردنی عەلی مەحمود ، پەیوەندی بە خۆپیشاندانی بەردەم کونسوڵگەری کۆماری ئیسلامی ئێرانەوە هەیە، کە رۆژی ٢٩-١-٢٠١١ لە لایەن چەند چالاکێکی مەدەنییەوە ئەنجام دراو عەلی مەحمودیش یەکێک بوو لە رێکخەرانی خۆپیشانداکە.

بەگوێرەی زانیارییەکانی ئێمە، ئێستا عەلی مەحمود لە بنکەی پۆلیسی خانەقا لە هەولێر زیندانیکراوە. ئێمە وێرای شەرمەزارکردنی ئەو کارە نا یاساییەی پۆلیسی هەولێر، داواکارین هەرچی زووترە هاوکارمان عەلی مەحمود ئازادبکرێت.

با رێگه‌ بگرین له‌گه‌ڕانه‌وه‌ی شه‌ڕی ناوخۆ بۆ به‌رده‌رگای ماڵه‌كانمان

هاونیشتیمانیانی ئازادیخواز 

دوای بڵاو كردنه‌وه‌ی به‌یاننامه‌كه‌ی بزووتنه‌وه‌ی گۆڕان (له‌سه‌ر هه‌لومه‌رجی ئێستای هه‌رێمی كوردستان)، و وه‌ڵامه‌كانی سه‌رۆكایه‌تی هه‌رێم و سه‌رۆكایه‌تی حكومه‌ت و هه‌ردوو پارتی ده‌سه‌ڵاتدار (پارتی دیموكراتی كوردستان و یه‌كێتی نیشتیمانی كوردستان) و درووست بوونی ئه‌و گرژییانه‌ی كه‌ هه‌ستی پێده‌كرێت، ئێمه‌ پێمانوایه‌ ئاراسته‌ی رووداوه‌كان خه‌ریكه‌ به‌ره‌و توندوتیژی هه‌نگاو ده‌نێت، كه‌ دور نیه‌ دووباره‌ ئاگری شه‌ڕی ناوخۆ بێته‌وه‌ به‌رده‌رگای ماڵه‌كانمان، بۆیه‌ داوا له‌ سه‌رانی ده‌سه‌ڵات و ئۆپۆزسیۆن ده‌كه‌ین، كه‌ به‌وپه‌ڕی هه‌ستكردن به‌ به‌رپرسیارێتییه‌وه‌ مامه‌ڵه‌ بكه‌ن، رێگه‌ نه‌ده‌ن جارێكی تر ئاگری شه‌ڕی ناوخۆ ماڵه‌كانمان بسوێتێت، چونكه‌ له‌ ئێستادا هه‌موومان ده‌زانین، كه‌ بارودۆخی هه‌رێمی كوردستان به‌رگه‌ی بچوكترین گرژی ناگرێت.

هەولێر کۆماری ئیسلامی ئێرانی شەرمەزارکرد

لەخۆپیشاندانێکدا لە هەولێری پایتەختی هەرێمی باشووری کوردستان، کۆماری ئیسلامی ئێران، شەرمەزارکرا.

دوانیوەڕۆی ئەمڕۆ شەممە ٢٩-١-٢٠١٠ کۆمەڵێک چالاکوانی مەدەنی و مافی مرۆڤ، خۆپیشاندانێکیان بۆ بەردەم کونسوڵگەری کۆماری ئیسلامی ئێران لە هەولێر، ئەنجامدا. بەمەبەستی شەرمەزارکردنی سیاسەتی لە سێدارەدانی لاوانی کورد و ئەشکەنجەدانیان و داوای ئازادکردنیان.

خۆپیشاندانەکە لە بەردەم گازینۆ عەنتەر لە تەیراوەوە  دەستیپێکرد بۆ بەردەم کونسوڵگەری کۆماری ئیسلامی، تێیدا ژمارەیەکی زۆر چالاکوانانی سیاسی و مەدەنی و رۆژنامەوان و رێکخراو و پارتە سیاسییەکانی باشوور و باکوور و رۆژئاواو رۆژهەڵاتی کوردستان  و هاوڵاتیانی باشووری کوردستان، بەشداربوون.

ڤاتیکان

هەڤاڵ نەژاد
ڤاتیكان بچوكترین ده‌وڵه‌تی خاوه‌ن سه‌روه‌رییه‌ له‌ جیهاندا، به‌ ده‌وڵه‌تێكی تایبه‌تی ده‌گمه‌ن هه‌ژمار ده‌كرێت له‌ رووی پێكهاته‌ی جوگرافی و سیاسی و ئاینی و جێنده‌ری. ده‌وڵه‌تێكی یه‌ك شارییه‌، له‌ناو سنوری ده‌وڵه‌تی ئیتاڵیادا و ده‌كه‌وێته‌ باكووری خۆرئاوای شاری رۆمای پایته‌ختی ئیتاڵیا. پاپا سه‌رۆكی رۆحی مه‌سیحییه‌ كاسۆلیكییه‌كانی جیهان، سه‌رۆكی ئه‌و ده‌وڵه‌ته‌یه‌.

ئەمە پێشەکی راپۆرتێکە کە لەسەر دەوڵەتە شاری ڤاتیکان، بۆ وانەی یاسای نێودەوڵەتی لە کۆلیژی یاسا ئامادەم کردووە.

لێرەوە دەتوانن راپۆرتەکە بخوێننەوە

بیرەوەری دووی رێبەندان دەمخاتە سەر بەستەو بەندان

که‌سێک ، 

جارێک خۆری دیبێ ،

تیشكی ئه‌ستێره‌ی لا که‌مه‌ !

که‌سێک ،

ئازادی چێژتبێ

خودموختاری

پێ سته‌مه‌ !

ک.د.ئازاد

لە بەردەم کونسوڵگەری کۆماری ئیسلامی لە هەولێر، لە سێدارەدانی حوسێن خزری شەرمەزارکرا

هەڤاڵ نەژاد

دوانیوەڕۆی ئەمڕۆ دووشەممە ١٧-١-٢٠١١ ژمارەیەکی بەرچاو کەسایەتی نەتەوەیی و سیاسی و چالاکوانانی مەدەنی و رۆژنامەوان و خوێندکارانی زانکۆ و هاوڵاتیانی هەرچوارپارچەی کوردستان، لەخۆپیشاندانێکدا لە سێدارەدانی حوسێن خزریان لە لایەن کۆماری ئیسلامی ئێرانەوە شەرمەزارکرد.

خۆپیشاندانە لەبەردەم چایخانەی عەنتەر بۆ بەردەم کونسوڵگەری کۆماری ئیسلامی ئێران لە هەولێر بەرێوەچوو، تێیدا چەندین دروشمی جۆراوجۆری  وەک (شەهید نامرن) و ( کۆماری سێدارە، دەست هەڵگرە لەم کارە) و ( لە کوردستان بچنە دەرەوە) لەلایەن بەشداربووانەوە گوترانەوە.

با کوردانی رۆژهەڵاتی کوردستان لە سێدارەدانی حوسێن خزری، بکەنە چەکی وەدەرنانی داگیرکەر لە خاکی کوردستان

 جارێکی دیکە دوژمنان و داگیرکەران دەستی چەپەڵیان خستە گەردنی رۆڵەکانی نەتەوەی کورد و حوسێن خزری-یان لە سێدارەدا.

وێڕ‌ای ریسواکردنی ئەو کارە نامرۆڤانەیەی کۆماری ئیسلامی ئێران، بۆ ڕێزگرتن لە رۆحی هەڵۆی بەرزەفڕی رۆژهەڵاتی نیشتمانم، حوسێن خزری، وێنەی پرۆفایلەکەم لە فەیسبووک، دەگۆڕم بەوێنەی ئەو شەهیدە نەمرە.

کۆنفرانسێکی دوو رۆژە دەربارەی یاسای کاری رۆژنامەوانی لە کورستان

فۆتۆ: عوبێد هروری

لەژێر دروشمی یاسایەکی دیموکراسی و دیموکراسیانە جێبەجێکردنی گرەنتی ئازادی رۆژنامەگەرییە. رێکخراوی ئایریکسی ئه‌مریکی و تیمی ئاوه‌دانکردنه‌وه‌ی هه‌رێمی سه‌ر به‌ باڵیۆزخانه‌ی ئه‌مریکا (RRT ،کۆنفرانسێکی دوو رۆژەیان دەربارەی کەم و کوڕییەکانی یاسای کاری رۆژنامه‌وانی سازکرد. 

لە خۆپیشاندانێکدا هەولێر داوای هەموارکردنەوەی یاسای رێکخستنی خۆپیشاندان دەکات

photo: Sirwan A

هەڤاڵ نەژاد

بە سەرپەرشتی (کەمپەینی نا) کە پێکهاتبوو  لە رێکخراوەکانی کۆمەڵی مەدەنی و ژمارەیەک رۆشنبیر و رۆژنامەوان، خەڵکی شاری هەولێر لە خۆپیشاندانێکی هێمنانەدا گوتیان نابۆ یاسای خۆپیشاندان و داوای هەموارکردنەوەی یاسای رێکخستنی خۆپیشاندانیان کرد.

خۆپیشاندانەکە کاتژمێر ٩:٣٠ی بەیانی ئەمڕۆ سێ شەممە ٤-١-٢٠١٠ لەبەردەم پارکی شانەدەرەوە بۆ بەردەم پەرلەمانی کوردستان بەرێوەچوو، بە بەشداری ژمارەیەکی زۆر لە هاوڵاتیان لە سەرجەم چین و توێژەکانی شاری هەولێر، و تێیدا چەندین دروشم گوترایەوە دژی یاساکە و داخوازی هەموارکردنی ئەو یاسایەیان دەکرد.

لە کاتی گەیشتی خۆپیشاندەران بۆ بەردەم پەرلەمانی کوردستان، نوێنەری پەرلەمان و ژمارەیەک پەرلەمانتار لە لیستەکانی کوردستانی و گۆڕان و کۆمەڵ و یەکگرتوو، پێشوازییان لە خۆپیشاندەران کرد. هەروەها لە لایەن رێکخەرانی خۆپیشاندانەکەوە لەبەردەم پەرلەمانی کوردستان یاداشتی رێکخراوەکانی کۆمەڵی مەدەنی خوێنرایەوەو تێیدا داوای هەموارکردنەوەی یاسای رێکخستنی خۆپیشاندان کرا. کە بەگشتی ئامانجی سەرەکی داواکردنی هەموارکردنەوە لە دوو 

کارو چالاکییەکانی ناوەندی ئایندە لە بەرنامەیەکی تایبەتی رادیۆی رووناکی

ئەمڕۆ شەممە ١-١-٢٠١١ هەڤاڵ نەژاد، بەرپرسی راگەیاندن و پەیوەندییەکانی ناوەندی ئایندە بۆ پرسەکانی گەنج، میوانی بەرنامەیەکی راستەوخۆی رادیۆی رووناکی بوو لە شاری هەولێر.

بەرنامەکە ناوی راژەی گەنج بوو، ماوەی یەک کاتژمێری خایاند. تەوەری بەرنامەکە تایبەت بوو بە کاروچالاکییەکانی ناوەندی ئایندە بۆ پرسەکانی گەنج، تێیدا لە وەڵامی پرسیارەکانی پێشکەشکاری بەرنامەکە، لەلایەن هەڤاڵ نەژادەو تیشک خرایە سەر رابردووی ناوەندی ئایندە بۆ پرسەکانی گەنج، و پرۆژە و کار و چالاکییەکانی ناوەندی ئایندە، شیکرایەوە. هەروەها ئاماژە بە پرۆژەکانی داهاتووی ناوەندی ئایندە کراو خرانە بەرباس.